عندي اخت تقدمت وتطورت احوالها كثير من ناحيه دينيه واجتماعيه واصبحت انسانه مره مميزه وحتى متفوقه دراسيا والاولى بدراستها عمرها الحين 17 سنه وتركتها هذا الصيف وكلي خوف عليها لان ماابيها تقعد بالفراغ القاتل الي ممكن تتعرضله بالصيف وقد مرت بتجارب سيئه في الصيف الماضي ونفسيتها تعبت مره بسبب الصيف ماراحت اثاره الا بعد 4اشهر الحين انا سافرت وهي مرتبطه بي كثير وانسانه مره فاضيه وودها تشتغل اي شي مدري وش اشغلها وهي مؤهل ثانوي صح انها انيقه وتبان اكبر من عمرها وعندها مهاره باستخدام الحاسب وطلاقه بالانجليزي بس عجزتافكرلها بعمل والان هي بدأت تدخل مرحله الاحباط وبدأت تخاف ان نفسيتها تصير مثل العام الماضي
انا وهي لانفتر عن الدعاء ان ربي يشغلها بطاعته ووالله ان ماني عارفاقعد ولاارتاح من خوفي عليها
وامر سفري ليس بيدي وتعرفون الرياض صعب فيها امر التنزه والفسح أو حتى مجال البحث عن عمل ابغى مشورتكم واحتسبوا الاجر ايش اعمل لها ووين ممكن اقدملها مع العلم ان هي مستعده تشتغل تطوعي او حتى براتب رمزي وباي شي بس تشغل وقتها وفكره تحفيظ القران مرفوضه من البيت للاسف
صح اني داعيه لكن عجزت عن الوصول مع العائله لهذا الامر او اني ادخلها تحفيظ
ارجوكم ماتبخلوا علي برايكم
الكل يقول لاتحاولي تبحثي عن شغل وانا ماادري احس املي بالله كبير ....... وبالتالي عندي امل
احتسبوا الاجر والدال على الخير كفاعله
اختكم في الله
شاركي في النقاش
سجلي الدخول لإضافة تعليق.
التعليقات
24- طبعا يااخوات ادري الي يقرأ يحس الموضوع تافهه بس الموضوع مهم كثير لان هي العام كانت بدايه التزام ومع الصيف وكان في مشاكل كثير مره تعرضت لضغوط مع الوقت خلتها تنتكس وطبعا تعرفون شعور المنتكس كيف .......... الموضوع وصل ذروة الضيق معها والحين رجعت تقدمت ورجعت تتعدل بصعوبه ماتم التغيير الا بعد فتره طويله والان كل تفكيرها انها تخاف تنتكس
وطبعا لو تغيرت ورجعت لورى المره بكون الوضوع مره اسوأ ومرح يتعدل الحال يمكن للابد
اب مثلا منكم مقترحات والا ان تعرفون مستشفى والا شي يبغى متطوعين في العمل والا حد عنده شاغر بدل حد مسافر
اي شي ممكن تقترحوا علي
اسفه على الاطاله بس والله من اسبوعينافكر مالقيت الا اني اسالكم وانشاء الله ربي بكم ينفعني
انا قلبي مره مشغول عشان كذا بدع كثير للي بتساعدني ان ربي يفرج همها مثل متفرج همي - طيب ليش ماتاخذ دورات لغات انجليزي مثلا...
والله يرزقها ويفرج لها ... - الله يسلمك ياغاليه
العام اخذت دوره وكان مافي تشجيع من البيت وان تكاليف عالفاضي - الجرايد مليييييييييييييييانه دورات خليها تاخذ لها دوره
او تاخذ دوره في صالونات تجميل تفيدها بكره في المكياج والتسريحات ماتشيل همهم اذا تزوجت. - خليها تشغل وقتها بأحد الدورات زي ما قالت نجوم الليل دورة إنجليزي ممكن دورة كمبيوتر او دورة مكياج
أو عمل ممكن تروح تشتغل محاسبة في أحد المحلات النسائية عاد عنكم واجد بالرياض أو إنها تشتغل محاسبة ومسؤولة صالونتجميل أو مشغل خياطة هالشغلات ممكن تلاقي ولا تحتاج شهادة ولا شي
والله يساعدها ويكون بعونها بإذن الله
مواضيع مشابهة
تابعي تجارب أخرى من هذا القسم.