لقاء الأحبة *3*

مرحبا،،،
كأنه المنتدى فيه مشكلة ما!!!

اميرتي لين انا اخدت الرخصه من ست سنين وبالنسبه للخوف منعدم الله وكيلك اول ما اخدت الرخصه نزلت على حمت ام قيس منتيش غشيمه عن الطريق واذا غشيمه مثل الدوده مشرفه على وادي خخخخخخخخخ
انا مره حكتلنا معلمة الرياضيات قال نصيحه يبنات سوقن عالبكير لانه بتوصلي عمر بتصيري خويفه ومابتقدري تسوقي وخاصه بعد ماتخلفي من الخوف عالاولاد عاد انا ماكذبت خبر وشجعني اخوي الاصغر مني عالفكره كلها 00طبعا مش حب فييه بس عشان اشتري سياره ويوخذها يسوق عليها يعني بفتحله الطريق هسا الكل بسوق ومنزقطهم عن السياره تزقيط اشي بسرقها واشي بطلبها طلب
يمكن بدك ممارسه لاني بعرف وحده تعلمت بالثلاثين وعادي طبشت هالسياره وتعلمت
بالنسبه للزحمه يعني اول عن اخر بدك تطلعي في طريقتين اول اشي المداحشه طبعا هاي المختصره بتصيري شو تساوي تحشكي بحالك وتورجي الناس انك مجنونه وبتشطبيله السياره فبقوم بمرقك وبخلص منك والطريقه الثانيه انك مثل الهبله توقفي وتستني فرج الله على هالدوار والا على التقاطع 00 وعلى كل حال عنا نخوهجيه كثار بس اشري بايدك للي قدامك انك بتترجيه بدك تمري وهو بمرقك00 طبعا هذا الصح لان السواقه فن وزوق نفس الاسلوب لما بدك تفوتي الشارع من شارع فرعي ولما بدك تغيري المسرب00 وماتنسي تمرقي الي بقطعو الشارع وتدخلي اي سياره مزنوقه00 هاي طريقتي بعد ما اتجوزت وعقلت وبعد ما اكتشفت انو احنا متخلفين0 تعالي شوفي الاجانب قديش وراهم اشغال مهمه ولسا بسوقو بزوق وبستنو بعض وبيعطو اولويات ومابتسمعي زمور سياره مش زي عنا بتلاقي الزمور شغال ماتقولي غير بسب
هاي ويه اسهل من الشوارع الداخليه 00الجديد هو السرعه بس اختاري اوقات اللي بتكون فيها الشوارع فاضيه عشان الممارسه مثل التسعه بعد الموضفين مايطلعو والساعه وحده مثلا قبل مايطلعو من وضايفهم مع انه هون بكون ترافك بهاي الاوقات بس عنا غير الناس بتروح عالسته المسا وبتطلع من الفجر

قبل الجيزه كنت مشعوطه اشحط وافحط واسابق بعد الاشاره يعني بثانيه تلاقيني بالسياره ووصلت خلص وين بدي اروح00 هسا وين على اقل من مهلي تا احط البنت بالكرسي وارتب اغراضها وعلى اقلمن مهلي عشان ماتخاف وعلى يمين الشارع بمشي بكل هدوء وادب من خوفي على بنتي
طبعا غير امور الميكانيك اللي رح تتعلميها غصبن عنك مثل تعيين العطل من الصوت اللي بطلع ومكانه
غيار الزيت والاهم التعشيق عالثاني وتتفقدي مي وزيت وزيت البريكات وتحطي انتيفريز بالشتا وتشحني البطاريه اذانزلت واذا حميت السياره تتاكدي من المروحه وقشاطها
طبعا هاي المعلومات للسيارات الستكشفت مش اوتوماتيك00 من لما اجيت على هالبلد بطلت ابلش بهالسوالف جوزي بجيب ميكانيكي00 مره بقولو البريكات بصركن بدهن فحمات جداد بتمصخر بقولي بالله شورايك نحط الجك وتشوفيهن00 بعد بجوز شهر وانو جايب الميكانيكي وانو بقولو الفحمات ماسحات ليش لهسا تنك فطنان ومن يومها صار لما يسمع صوت يقولي سامعه ابصر شو مال السياره شو فكرك يكون

صح زهورة في مشكلة غريبة

مساء الخير

كيفكم

شكرا كندا وشكرا ايمان لانكم جاوبتوني واعطتوني نصايح بس بعدني بفكر ومو عارفه اسوي شي :(

والباقي مارح اسمع منكم نصايح من يوم وطالع

الدنيا شوووب اليوم :(

اميرتي لين انا عندي رخصه وسياره وبحب كثير اسوق وبدون سياره وانتر نت مابعرف اعيش

انتي تعلمي علي سياره نظامها توماتيك سهله كثيرررر وامشي علي الاشارات

اانتي بامريكا اميرتي لين ... لانه في دول الاجنبيه كلها اشارات مرور حتي للمشاه ونظاام كثير

بس بدول العربيه مثل ايش بقعدو بقطعو الطريق قدام السياره الماشيه وبزعلو اذا اندعسو وبحطو الحق علي الشفير .... انا طلعت علي الموضوع

المهم اولها خوف بس لما تبدي اتسوقي خلي زوجك جنبك لحد لما تتاكدي انك تعتمدي علي حالك في الطلعه لوحدك

وعلي فكره السواقه اشي مهم لنسوان وخاصه اذا كان عندها اطفال وزوجها مشغول .... كمان مره اطلعت عن الموضوع

علي اي حال اذا حطيتي الفكره في بالك رح تتعلمي بسرعه وبدون خووف وكل الي بسوقو حتي الرجال اكيد اول شي من سواقتهم كانو :eek:

انسيت احكي في اخر الموضوع سلام