شوفوا شسوي رجلي بهداياي

بس لو هالهديه من اخوياهم بيضيعونها الله يجزاك خير ويرضي
عليك ويسعدك مع من تحبين

اهديه هديه من رامز

حبيبتي لا تزعلي
أول هدية لزوجي كانت ميدالية فضة لمفاتيح السيلرة و كانت غالية و قيمة
أعطاها لامه:).....عادي
تعلمت أن أهديه عطور أو ملابس (يعني أشياء لن يستخدمها إلا هو )

يا قلبي عليك ... شوفي أنا من زمان ما دخلت المنتدى أو شاركت بس موضوعك ما هان علي أقراه بدون ما أرد...

عزيزتي:

وسعي صدرك ، و صدقيني زوجك لما يكرر هذا الحركة فأنه مو عن قصده و تأكدي بما أنه يفرح بهداياك فأنه ينقهر أكثر منك لما تضييع بس من داخله و لا يبغى يبين لك علشان ما تكبري السالفة و تصير مشاكل بينكم..

علشان كذا أنتي لا تكبري السالفة و تفتح عليك باب يكفيك فرحته وردة فعله لما تعطيه الهدية... و تذكري أحنا نهدي علشان نكسب مودة و لا ننتظر أي مقابل أو نبدي أي منة...

بقولك حاجة تقهر أكثر من حركة زوجك ، وش رأيك أنه مرة أشتريت لزوجي قلم ماركة و مرة حلو و غالي شوي غير أنه صارت لي مع هالقلم سالفة طويلة و عريضة هي: أنه لما أشتريته و كنت شاريه معه محفظة من نفس الماركة رحت لمحل ثاني أشتري منه أغراض و نسيت الكيس حقه في المحل وما أكتشفت هالشي الا و انا في البيت و كنت عند أهلي و هم برى الرياض ، و تخيلي عاد الحالة النفسية و القهر لدرجة أنه أخوي رحمني و رجعني الله يجزاه خير على السوق أدوره و الحمدلله لقيته عند أخر محل كنت عنده ثم رجعت مرة ثانية لبيت أهلي ، يعني مشورة و قهر ...

و بعد بفترة لما أعطيته الهدية حكيت له عن معاناتي اللي صارت و جلسنا نضحك ، و بعد فترة ما عاد شفت القلم في جيبه و لما سألته وينه قال تبدالت أن وواحد من الزملاء ، لا و البديل قلم ما يسوى بصراحة أنقهرت و قلت له حرام عليك بعد كل التعب تعطيه زميلك المفروض أنك تحافظ عليه قال: أنت مو أعطيتينيه لي قلت: ايه ، قال: خلاص يعني أنا حر أتصرف فيه لانه ملكي ، و بعدين أنا فرحت بهديتك و فرحتي تكون أكبر لما تكون لي كامل الحرية فااللي اسوي فيه ، و بالعكس لما أحس انه أحد أعجبه فأنه أعرف انك فعلا تختارين لي اللي يسوى مو أي كلام...

هذا منطقه وهو حر فيه بس ما دام هو حاس بهدفي من هديتي له خلاص ما يهمني...

بس تصدقين بعد كذا صرت أحاول أجيب له هدايا أشياء ما يقدر يعطيها لأحد أما أنه يكون محتاج لها مرة مثلا: شماغ ، بجامة .... أو أنها خاصة فينا مثلا مرة سويت له ألبوم عائلي فيه صور لنا كلنا ، طبعا هذا ما يقدر يعطيه أحد ...

أنت سوي مثلي و ريحي رأسك و كمان لا تخلين الهدايا أوقاتها متوقعة أو متقاربة يعني أنا من عيد الفطر ما جبت هدية لزوجي و أن شاء الله ناوية لما أولد ، شايفة الوقت بينهما كيف خليه يحس بقيمة ما يعطى له...


أسفة اذا طولت عليك و انتي وسعي صدرك و لا تهتمين....


على فكرة ترى ما قريت كل الصفحات فسوري اذا حصلت أي تطورات و أنا ما أدري...

يا الله أحلى تحية يا عسل..

وسعي صدرك ترى مو انتي لوحدك كلنا في الهوى سوا انا اهديته بعد ماطلعت من الاربعين وهو حتى الوردة ماجاب لي قلم ومحفظة ماركة المحفظة معاه والقلم ولا شفته الان معاه القلم ابو نص ريال وانا شلرية له قلم غغاااااااااااااااااااااااااااااااااااااااااااالي ويقول مرة بالمكتب ومرة مادري وين وفي زواجي قسم بالله شريت لي وله ساعة راديو طقم وماشفتها يقول توضيت بالحرم ونسيتها على بئر زمزم واهديتة غيرها قيمة وشفته على اخوة الصغير واذا سالته قال عندي وانا شايفته على اخوة ومرة نظارة وشفته على اخو الصغير كمان وسعي صدرك تراك طلعتي الي فيني وقرارة لا للهدايا والي تقول الرجال كذا لا ترى معاه مدالية مصدية حديد ماهديته اخته من قبل لاعرفة من سنين وياما اهديته مادلايت ولا شفت شي