شاركي في النقاش

سجلي الدخول لإضافة تعليق.

التعليقات

259
  1. @ashraf_bla_trdd

    أول مره أشوف احد يشتكي حسيت ان مافي احد عنه مشكله مع الخياطه احسك ضاربه على الجرح انا مثلك خياطه وصار لي 15 سنه ما في مجال ما دخلته وزي ماقلتي الزباين مايعجبهم العجب يفكرون ان الفستان يخيط حاله بالدات ادا في شغل والناس الحين ما تحب الا الي فيه شغل واجد تقولي ينافسوا العروس مع انهم لما يشوفوا الشغل يمدحوا فيه قدامش ووراك يدورون على العيب والمشكله الكبيره انهم قرايب اني شخصيا ما حب أخيط للقرايب احط ايدي على قلبي بس ويس اسوي ما لي مفر وفكرت اني اعتزل الخياطه لها السبب مع اني احبها وجالسه افكر في مشروع خياطه متكامل بطاقم نسائي 100% وأني بشرف عليه أن شاء الله التوفيق من رب العالمين
  2. @gbl_altyr

    يامراااااااااااااحب بالجميع

    همسات بقلك سر من اسرار الخياطت الفلبينيات .حتى تزيلي الكرستال الي في القماش بكل سهووولة..جيبي مزيل المناكير وحطي شوي في منديل او قطن وخلف القماش افركي الكرستالا وعلى طوووووول تنزل..ادعي لي لا تنسين..
  3. صاحبة الموضوع
    همساااااات انثى
    حلوة الفكرة بس لازم ما تكون البضائع متشابهة
    الخياطة من جهة متعبة فهي متعبة بس اللي يحبها عليها ما يحس بتعبها ما فيها مشكلة الا الزباين
    اما الزباين صحيح مثل ما قلتي صار لهم كم سنة كأنهم ينافسوا العروس مو بس فس الفستان حتى في المكياج والشعر والاكسسوارات
    الحمد لله انا قرايبي الا الان ما خيطت لهم لان بعض بنات جماعتنا ................. الله يهدي الجميع
    مشروع الخياطة المتكامل صار هذي اليومين مع القوانين الجديدة خساير في خساير اللي بتكسبيه راح تدفعي اكثر منه انا ما احاول احطمك لكن شوفي القوانين كيف صايرة كثير بطلوا مشاريعهم وبعضهم انا اعرفهم شخصيا لانهم لما حسبوا الربح والخسارة لقيوا انه ما راح يرجع لهم حتى راس المال وراح كل سنة يدفعوا من جيبهم لتغطية الرواتب للسعوديين والضرايب الجديدة للدولة عن الاجانب غير رسوم التصاريح اللي تتجدد كل سنة والكهرباء والمواد اللي راح يستعملوها والايجارات اللي صايرة مثل الهم
    احسبيها صح عشان ما تتورطي والله يوفقك واشوف لك مصنع في السعودية بس تعالي اعزميني على تورتة شوكلاتة كبيييييييييييييييييييرة عند الافتتاح
    بالتوفيق




    جبل الطير:32::32:
    من جد تتكلمي:32:
    اما لو كان صحيح لكي دعوة حلوة
    على القليل بتفكيني من دوشتهم عندي في البيت كل ما شافوني ماسكة المطرقة يقولوا لي لو تروحي تكسري خزنة بنك احسن لك مو مثل هذي الدقدقة

تابعي تجارب أخرى من هذا القسم.