أحتاج مشورتكم . قريبتي جاها خاطب !

أخواتي العزيزات , بدون مقدمات طويلة , حابه آخذ رأيكم بموضوع وحدة من قريباتي تقدم لها اليوم عريس , هو كبير ,عمره 57 سنة , تزوج مرتين الأولى توفت والثانية طلقها , وعنده خمس بنات وخمس اولاد ,عنده ثقل بلسانه شوي , وعنده سكر , بس ماشاء الله صحته جيدة , يسوق سيارة ونشيط .
وقريبتي هذي : عندها مشاكل نفسية صابتها عين , بس الحين احسن , وعمرها 36 سنة ماسبق لها الزواج. حاصلة على شهادة جامعية , وعندها ضعف بالنظر وتلبس نظارة عادي مثل بقية الناس , وتقدم لها اكثر من واحد والله مع انها عادية , بس هي تتمنى ترتبط بأنسان اكبر منها بكثير .
بنات وش تنصحونها ؟ وهل تشوفون انه مناسب ولا لا ؟ لأني احسها موافقة , وانا اشوف انها ترفض احسن . يمكن ربي يعوضها بأحسن منه . وش رأيكم ؟
________________________________
ورجاء تتعاملون مع الموضوع بجدية , وما أحلل الي ترد رد هزل أو سخافة او اي تعليقات مالها داعي .
والله ما احللها ليوم الدين , احنا نتكلم بموضوع مصيري الي تبغى تتسلى تروح للواحة الترفيهية

40 تعليق 3,317 مشاهدة

شاركي في النقاش

سجلي الدخول لإضافة تعليق.

التعليقات

39
  1. @dfayh_shtoyh

    والله الصراحه انا اشوف انها توافق وهاذي وجهة نظري وهي بكيفها الراي الاول والاخير لها,,,
    لان ماتدري يجيها خاطب بعدين ولالا,,,,
    وشئ حلو دام مامعاه حرمه يعني مابتكون آخذه ع حرمه,, وآآآهم شئ الاستخاره....
    الله يوفقها ويسعدها ,,,
    ويرزقني يارب.
  2. @aars_almtr

    دام البنت موافقه وين المشكلة

    ما تبغيها تتزوج وتعيش حياتها زي غيرها ؟

    الله يوفقها ويرزقها الذرية الصالحة

    ويجعلوا زوج صالح لها تقي نقي مخموم القلب

    اللهم امين
  3. @aashky_ord_gory

    صاحبة الموضوع
    الله يوفقكم ويسعدكم شكرا على المرور ... بالنسبة انها يجيها عريس ثاني ولا لا ؟ بالعكس هي حظها حلو ماشاء الله . كل كم شهر يتقدم لها واحد . لأنها معروفة بطيبة قلبها الله يسعدها يارب

تابعي تجارب أخرى من هذا القسم.