أخواتي العزيزات , بدون مقدمات طويلة , حابه آخذ رأيكم بموضوع وحدة من قريباتي تقدم لها اليوم عريس , هو كبير ,عمره 57 سنة , تزوج مرتين الأولى توفت والثانية طلقها , وعنده خمس بنات وخمس اولاد ,عنده ثقل بلسانه شوي , وعنده سكر , بس ماشاء الله صحته جيدة , يسوق سيارة ونشيط .
وقريبتي هذي : عندها مشاكل نفسية صابتها عين , بس الحين احسن , وعمرها 36 سنة ماسبق لها الزواج. حاصلة على شهادة جامعية , وعندها ضعف بالنظر وتلبس نظارة عادي مثل بقية الناس , وتقدم لها اكثر من واحد والله مع انها عادية , بس هي تتمنى ترتبط بأنسان اكبر منها بكثير .
بنات وش تنصحونها ؟ وهل تشوفون انه مناسب ولا لا ؟ لأني احسها موافقة , وانا اشوف انها ترفض احسن . يمكن ربي يعوضها بأحسن منه . وش رأيكم ؟
________________________________
ورجاء تتعاملون مع الموضوع بجدية , وما أحلل الي ترد رد هزل أو سخافة او اي تعليقات مالها داعي .
والله ما احللها ليوم الدين , احنا نتكلم بموضوع مصيري الي تبغى تتسلى تروح للواحة الترفيهية
شاركي في النقاش
سجلي الدخول لإضافة تعليق.
التعليقات
39- ما اعررررف في ي الامور
لكن الله يوفقها ويكتب لها الخير حيث كاااان
اين الحقيقه؟؟ - رفع ان شاء الله البنات يفيدوكي
- والله الصراحه انا اشوف انها توافق وهاذي وجهة نظري وهي بكيفها الراي الاول والاخير لها,,,
لان ماتدري يجيها خاطب بعدين ولالا,,,,
وشئ حلو دام مامعاه حرمه يعني مابتكون آخذه ع حرمه,, وآآآهم شئ الاستخاره....
الله يوفقها ويسعدها ,,,
ويرزقني يارب. - دام البنت موافقه وين المشكلة
ما تبغيها تتزوج وتعيش حياتها زي غيرها ؟
الله يوفقها ويرزقها الذرية الصالحة
ويجعلوا زوج صالح لها تقي نقي مخموم القلب
اللهم امين - الله يوفقكم ويسعدكم شكرا على المرور ... بالنسبة انها يجيها عريس ثاني ولا لا ؟ بالعكس هي حظها حلو ماشاء الله . كل كم شهر يتقدم لها واحد . لأنها معروفة بطيبة قلبها الله يسعدها يارب
مواضيع مشابهة
تابعي تجارب أخرى من هذا القسم.