السلام عليكم
انا بنتي الكبيره جاها عريس جت امه و2من خواته جلسوا معانا حوول ال3ساعات بعد ماشافوا بنتي وكان اسلوبهن عادي وقالوا ارتحنا لكم المهم خلصوا سوالف وطلعوا يوم ثاني دقت اخته وقالت بنتكم عجبتنا بس اخوي يبي نحيفه بنتي وزنها 52 لادبدوبه ولانحيفه وبنص الكلام قالت اذا بنتك بتنحف حنا موافقين بنعطيكم مهله >>حلوه كلمة مهله صدمتني انا سكتت ماعرفت اقول شي سكرت السماعه ومارديت عليهم طنشتهم وهم بين فتره يتصلون وماأرد طبعا انا قلت لبنتي وش قالوا عنها بنتي راحت لأبوها وقالت انا مو ميته على زواج ودامك معانا انا مو محتاجه.رجال ابوها انبسط كفو بنيتي ورفضت قبل هذا ثلاث عرسان وابوها عادي مايقول شي خواتي يقولون.الناس طيبين وولدهم ماينرفض يقولون لي قولي لهم خل الولد يشوفها قبل بلاتنحف وخرابيط هو اللي بيتزوجها اقولهم اسلوبهم ماعجبني شوروا علي اقولهم مافي نصيب ولا اسمع كلام خواتي
شاركي في النقاش
سجلي الدخول لإضافة تعليق.
التعليقات
52- على قولتهم
هدول ناس بلا زووووق
قوليلهم الله يرزقه بوحده نحيفه معها
ضمان 25 سنه ضد التخن - استخيري
احس ان هالناس متطلبين
ايش اللي تنحف يعني لو تزوجت وزاد وزنها كم كيلو مع الحمل والا قبله بتصير كخه مايبيها مثلا
ذولي معقدين
انا من رايي تستخيري والناس اللي تبحث عن اشكال مالها مضمون
دوري عن اللي شاري بنتك واخلاقها وشاري نسبكم
هذا رايي الشخصي والله يرزق بنتك بالنصيب الزين - الله يكتب لكم الخيرة
واستغفرالله وأتوب اليه - اذا من اللحين يتشرطون اجل لو راحت معه وش بيصير قلي تبي بنتي كذا الله يحيك ماتبي الله يوفقك مع غيرها
- الله يهديكم ياااارب
ماكان لازم البنت تقول كذا ولاكان مفروض ردة فعلك تكون بالصوره ذي
خلي البنت تستخير وربِ راح يسخرلكم للخير يااارب
مواضيع مشابهة
تابعي تجارب أخرى من هذا القسم.