شاركي في النقاش

سجلي الدخول لإضافة تعليق.

التعليقات

65
  1. شوفي
    انا بتكلم معاك بصراحه والله العظيم
    بتكلم كذا لمصلحتك مو تجلسين تدعين علي
    عشان كلامي جارح او شي
    ترى انا بحاول قد ماقدر يكون كلامي مو جارح
    لاني اعرف نفسيتك الحين تعبانه
    وتنجرحين من كل شي

    انا مجربه موقفك .. كنتي عند اهلك
    ماعندك مسؤليات ولاشي
    جيتي عند زوجك تحمستي شوي
    بعدها بفتره حسيتي بالملل من التنظيف
    ومن الاهتمام بشكلك
    وبعدين بدت تتعب نفسيتك
    وكمان زوجك لاحظ انك ماعاد تهتمين له
    ولاتنظفين كويس
    المهم .. انك طلعي نفسك من دوامة
    انه مايبيك وانه ندمان وانه يدور الزله
    اصحي لنفسك .. انتو مو داخلين حرب
    عشان يدور عليك الزله وهالخرابيط
    ترى كلنا بوقت الغضب نقول كلام
    مدري من وين نجيبه وبعدين نندم عليه
    بس الاهم انك تفكرين ليش قال كذا !!
    وتعدلين من نفسك
    لاتجيك وحده تقول والله مو شغلك تهتمين بالنظافه
    مو شغلك تنظفين !!
    بالله عليك لو مانظفتي انتي مين ينظف
    زوجك مثلا ؟؟
    وش هالكلام وش هالتفاهات
    اكيد انتي تنظفين وانتي مسؤله عن كل شي
    فعلا زوجك واضح انه يدقق بكل شي
    مع اني اكره الزوج اللي يدقق كثير
    بس معناها انك لو اهتميتي بشكلك
    او كذا بينتبه بسرعه وبينبسط
    وصدقيني راح يمدحك
    وراح يقولك كلام حلو من غير ماتطلبين
    حاولي تغيرين كل شي فيك
    واضح انو زوجك طفش من كل شي فيك
    اسمحي لي على هالكلمه
    ترى كلنا نطفش
    حتى انتي يمكن طفشتي منه
    لاتنزل دمعتك ولاشي
    انتي بس اقري صفحه وحده من القران
    كل يوم وشوفي نفسيتك كيف تصير
    وصلي الصلوات بوقتها واستغفري كثير
    خليك واثقه من نفسك ولو قالك
    في هالمكان الساعه ارخص
    قولي الغالي للغالي قوليها بدلع
    والا انا ماستاهل ؟ بابتسامه خفيفه
    وشوفي كيف ينجن
    غيري استايلك وغيري طريقة كلامك
    بالعكس ردي عليه لمن يقولك كلام يجرح
    اقلبي كلامه لمزح مثلا !
    واحيانا لو الموضوع جدي
    قولي ابشر ومن عيوني
    واصلا انا اتعلم منك
    وان شاءالله اول مره واخر مره
    لاتقولين انا ماني خدامه
    وليش اذل نفسي
    هذا مو ذل والدين والرسول
    امرنا بطاعة الزوج واحترامه
    وهذا اصلا من الاحترام
    لان بصراحه الوحده اللي ترادد زوجها
    ولسانها طويل تصير قليلة ادب
    احسن شي تتدلعين له وتضحكين بوجهه
    عشان مايطفش منك الرجال
    اسمحي لي وربي اتكلم لمصلحتك
    بالعكس اقري بوصلة الشخصيات
    واكتشفي شخصية زوجك
    وغيري من نفسك
    حتى بالفراش غيري من نفسك
    يعني لو الحين صار لك سنتين وزياده
    غيري حركات وقت النوم بالفراش
    وصيري جريئه شوي واتدلعي
    شوفي كيف ينعكس هالشي على حياتكم اليوميه
    بالعربي جننيه طيري قلبه وعقله معك
    وترى هالساكت اللي تشوفين
    لو تتدلعين عليه وتسوين حركات شقاوه
    يموتون عليك واسألي انسانه مجررربه
    والله العظيم الحزن اللي انتي فيه ماراح ينفعك
    بالعكس راح تتعب نفسيتك وبتموتين قهر
    انفضي نفسك واعتبريه تحدي وغيري حياتك
    للاحسن طبعا
    وحطي قدام عينك انو زوجك مو عدو لك
    بالعكس حطي لك اهداف تبين توصلينها
    معاه .. هذا لك هالشي قبل يكون لزوجك
    وبعدين اي مشوار تطلعينه ان شاءالله
    رايحه صيدليه او سوبر ماركت
    لو رايحه ثواني وراجعه .. البسي
    لبس دلع وعبايه دلع وحطي ميك اب
    والبسي لبس حلو ومرتب
    خليه دايم يشوفك كاشخه ومهتمه بشكلك
    ولاتنسين الدعاء الدعاء والاستغفار
    الله يسخركم لبعض يارب
    ويوفقك ويسعدك يارب ويعينك
    امانه لاتزعلين من كلامي
    وربي كلامي من تجربه شخصيه
    مابيك تسوين اشياء تندمين علي
    وابيك تطورين حالك وتكسبين زوجك
    الله يوفقك يارب
    ننتظر البشاير ان شاءالله
    طولت عليك .. سوري
  2. حبيبة فهودي1429
    انا مادري متى بتعرفون وش حقوقكم ووش واجباتكم شرعـــــــــــــــــــــــــــــآ وبأتفاق الائمه الاربعه ,, خدمة بيتك واطفالك ليست وااااااجبه عليك ,, اكررها ,, مو من واجباااااااتك ,, ان بغى يمشي بالبيت نمل وحشرات .. ماهو واجب عليك لكن جرت…
    اخبرك عاقله وحكيمه وش جرا لك :rotaeye:

تابعي تجارب أخرى من هذا القسم.