عسى من طمنتني وردت علي لو بكلمة يحقق الله مابخاطره ويسعدها يارب

السلام عليكم ورحمة الله وبركاته

بنات ابدخل ع موضوعي ع طول ربما فضفضه لكن تحملوني مقهوره حيللل ع الموقف اللي صار لكن دعواتكم لاتحرموني منها..

انا حامل في الشهر الثالث وامر حالي في فترة وحام يعني النفسية مررره تعبانة زوجي الله يحفظه مقدر وضعي طلبته ارتاح عند اهلي ايام ع اساس ارتاح رغم ان راحتي بيت زوجي اكثر لكن تعرفون الوحام يشتد ببيتي المهم ريحت عندهم يومين لكن احس راحتي انقلبت الى خوف من تسقيط لان صارت مشكله صغيره ع شاحن جوالي بيني وبين اخوي المهم هذا اخوي عذبني من كنت وانا صغيره لحد يوم زواجي والله دموعي ماجفت الا لمى صرت ببيت زوجي ولله الحمد المهم ضربني بالسلك ع ظهري وارتفع ظغطي من حركاته حسبي الله ونعم الوكيل المهم حسيت اني نسيت الحمل صرت اركض زي المجنونة والله حملي غالي ع قلبي لكن تعرفون الظلم والقهر لاصار من واحد ظالم المهم الان مقفله علي غرفتي انتظر الليله عشان زوجي ياخذني لبيتي ربي يحفظه لي انا ماراح اعلم زوجي باللي صار لني ماتعودت اوضح اهانتي عند اهلي لزوجي لكن خلاص ماعاد ابطلب بيت اهلي الا من شهر لشهر عشان اميمتي تاج راسي والا غيره مافكرت فيهم انا خلاص ابروح لبيتي ان شاء الله وابي ارتاح فيه عن مشاكل وظلم انا بغنى عنها لكن قلبي خايفه مررررره ع جنيني خصوصا ان الضربة بظهري والله يابنات اكتب لكم ودموعي ع خدي لاني ابروح لزوجي وانا مخنوقه ماراح افضفص له عسان كذا بنات ادعولي ظلم وقهر ووحام مررره متعبني والام ظهري تكفون طمنوني انا اخطيت بحق جنيني واخطيت بحق زوجي لاني اهملت نفسي وركضت وزوجي محرصني عليه لكن للاسف اخوي اخذ حقي وضرر جنيني حسبي الله ونعم الوكيل انا ماراح ادعيله احترام لاامي لكن الله يخليلي زوجي ويبلغني سلامة جنيني ولاارجع لااهلي الا زيارة يارب
طمنوني بناات هل انا مظلمومة او اني ظالمه؟؟
هل المشكله تضرر بالحامل خصوصا اني تحركت وانضربت ؟
ابي ارتاح ببيت زوجي كيف اتخلص من فترة الوحام ببيتي عند زوجي لان من بداية حملي وانا اكثر ايامي عند اهلي؟
بنات انا بكر ماعرف شئ عن الحمل ومخاطره تكفون ادعولي يتم حملي بالظروف القاسيه ويخليلي ربي زوجي ويحفظه لي يارب..

50 تعليق 3,247 مشاهدة

شاركي في النقاش

سجلي الدخول لإضافة تعليق.

التعليقات

49
  1. @romans_4

    الله يهدي اخوك ويتمم حملك على خير

    لاتخافي ان شاء االله مايصير شئ انا كل حملي اركض حتى نزلتي من الدرج اركض

    وعلى ضربة السلك

    انا ولدي عمره خمس سنوات كم مره يضربني على ظهري والا يطيح علي

    والحمد لله الله الحافظ
  2. @alyana_7

    الله يكون في عونك ..
    انا نفس حالتك ما ارتاح الا في بيتي .. مع ان لما اروح بيت اهلي الوحام يختفي نهاااائي .. بس بيتي لاا يرجع بزياده ..
    انتي كل يوم غيري جو اطلعي تمشي برا مع زوجك .. بالسيارة طبعا .. لأن المشي مو كويس بالشهور الاولى
    ... اشربي موكا او قهوة او شاي وانتي طالعه حاولي تاكلي اي شي وانتي برا لأن النفسيه سبحان الله تتغير برا البيت .. و تنفتح نفسك للأكل ..

    دامك بالشهور الأولى عادي كولي اي شي .. ان شاء الله مافيها اي ضرر للجنين .. و اللبان او العلك ترا حلو للوحام و للمعده ..

    من ناحية انك انضربتي .. لا ان شاء الله ماوصل للجنين ولا شي .. ترا هو بعيييييد خصوصا الشهور الأولى
    اعرف وحده صارلها حادث بالسيارة في الشهور الأولى و الحمدلله ماصارلها شي
    وانا لما كنت بالشهر الثالث طحت من الدرج و كانت ضربة قوية و ربي حفظ لي جنيني و الحين بالشهر السادس و الدكتورة طمنتني على وضعي ..

    راجعي دكتورتك عشان ترتاحين ..

    و الله يهدي اخووووك .. و يتمم لك حملك على خييير ..
  3. @danh444

    حبيبتي اذا ماعندك نزيف من قبل والبيبي وضعة كويس فما اظن ان فيه خطر ابد
    عادي كلنا نركض ونجري وناخذ ضربات من عيالنا على بطونا
    والضربه على ظهرك بسلك عادي ما تاثر على البيبي ان شاء الله بس استودعيه الله وهو وحده الحافظ
    الي بياثر عليك ياقلبي العصبية الزايده ذي الي ممكن تجبلك الضغط والضغط مو زين للحامل وياثر على نفسية البيبي
    والي صار مع اخوك احسه عادي كل الاخوان كذا ويمكن مزحه ثقيل وانا مدري عنك وعنه قبل زواجك بس ذا الموقف عادي احس حاب يمزح او انه ثقيل دم انتي حامل ياقلبي وحساسه شويتين
    اما الوحم فالله يعينك حاولئ تجلسي عند اهلك
    او اصبري عند زوجك اذا راحتك عنده كلها الاربعة الشهور الاولى ويخف
    وخذي علاج الغثيان واشربي زنجبيل يشيل الغثيان
    والله يصبرك اهم شي الراحه ثم الراحه
    ادعيلي يكون حملي بولد سليم معافى من غير زياده ولانقصان ونكون كلنا بخير يارب
  4. @bnot_shyokh

    عادي حياتي والله اني بنتي سنتين واشيلها واغير لها واركض وراها احيانا الله يهديها ...والحمدلله الحين بالخامس ومافيني الا العافيه ...تطمني والله يخلي لك زوجك يارب ويهدي اخوك
  5. يابنت الحلا وسعي صدرك الوحم فتره وتعدي بس انتي ريحي وكلي الي يريحك واهلك روحي لهم زياره واخوك لاتحتكي فيه نهائي لين يعقل حاولي تريحين نفسك وان شاءالله مافيه الا العافيه واذا الدكتوره قالت حملك سليم الحمدلله وان شاءالله ماتشوفين شر والله بولدي كنت العب لعبة الشلال وانا مادريت اني حامل والحمدلله الله تمم علي بخير خلي ثقتك بالله اكبر وشيلي الاوهام وثاني مره انتبهي ادعي لي اختي ان الله يفرج لي ولادتي وافرح بشوفة طفلي يارب

تابعي تجارب أخرى من هذا القسم.