جدتي تكره امي وتكرهنا وتحرش ابوي وش الحل !

مين قالك بتحسب على ابوي ؟!
بالعكس انا ادور رضا ابوي !
انا اقصد جدتي !
ليه استسمحها ؟!
وهي ما تخلي مكان ما تسبنا وتسب امي فيه !
اختي احنا ماضريناها
واللي اعرف انه مايجوز هو الدعاء !
وانا ما دعيت عليها
انا بتحسب وبس !
وبدعي ربي انه يكفينا فيها ويكف اذاها عنا
معليش اختي بس هي معيشه امي بجحيم
امي صايره لهم خدامه وعلى الاقل الخدامه تلقى اللي يشكرها
اما امي ماتلقى الا الجحود والذم والسب
بعدين انا كثير اسمعها تسب امي وتحرش ابوي وجدي عليها !
وش اكثر من انو مانعتها من الحج !
وكانت مانعتها انها تزور امها !
وتبي تخلي ابوي يتزوج عليها
وقاطعه عن امي كل شي !
حتى الناس اللي امي تحبهم جدتي تخرب بينا وبينهم بس عشان امي تقعد بالبيت ولا يجيها احد
ولا تروح لأحد

بعدين اختي ذي الانسانه اللي هي جدتي تفتن بين اخوان !
فاتنه بين جدي واخوانه واولاد اخوانه !
واختها اللي هي اختها عايشه عيشه الله لا يوريك !
وجدتي عندها خير كثير فوق كذا ولا تلتفت لأختها بالعكس تتكلم عنها كلام ما ينقال
معليش اختي بس اذا جربتي حياتنا وحياة امي وعيشتي مع وحده مثل هالانسانه
راح تفهمين انا ليش تكلمت كذا

وابداً مستحيل اتحسب على ابوي وادعي عليه بالعكس انا كل همي رضا ابوي وامي علي
لكن اني اتحسب على جدتي ذي ابسط حقوقي
على الاقل انا ما ضريتها ولا اذيتها ولا ذميتها قدام احد ولا سبيتها ولا ظلمتها ولا دعيت عليها
ولا جحدها
ما قلت غير حسبي الله ونعم الوكيل !

امين يارب
وربي اسوء شي في الحياه الظلم !
ما ادري ليه في ناس تسخر حياتها لتدمير وتخريب حياة غيرها
وش بيضرهم لو عاشوا وخلو الناس تعيش


واشكر كل وحده ردت علي جزاكم الله خير
وفرج عنا وعنكم وعن كل مسلم مظلوم

يا اختي التحريش يهون عند السحر
في عوائل اخرى عندهم بلاوي
المهم انتي حاولي تكسبين ابوك في صفكم يعني انا اقولك كيف
خليه يشوف افعالكم عكس كلام جدتك !
ساعتها راح يروح تحريشها كله على الفاضي
والاهم الاهم انك تعاملينها بكل ادب واحترام مهما غلطت عليكم واحتسبي في ذلك الاجر
ولا تنسين ان ظلمتكم هي بينصركم العدل ! بينصركم ربكم الكريم اللي اقوى منها ومن اي
وحده ظالمه زيها