فيتامين بيوكلين وشامبو فاست جرو للتساقط

مساء الورد خواتي
والله ضايق صدري من هالشوشه بنات شعري من 6شهور يتساقط وصاير حييييل خفيف ومن قدام صلعت :hahaha:
مع اني محافظه عليه مااصبغه ولا استشوره الا بالمناسبات استعملت حبوب هيردال من يوم بدا يتساقط ماجابت نتيجه
رحت لدكتورة جلديه وعملت تحاليل الحمدلله مافي فقر دم وهرمون الذكوره طبيعي الدكتوره تقول اكيد من الحاله النفسيه لأنو تعبت نفسيتي في ها6شهور :confused:يعني معقوله الحاله النفسيه تسوي كيذا :confused:

وصفتلي الدكتوره حبوب بيوكلين تقول اقوى من هيردال بس غاليه ب275 وشامبو ولوشن فاست جرو ب175
صارلي عشره ايام والتساقط لازال مستمر تطيح الشعره بالجذر في احد استعملها وجابت نتيجه ولا اخليها وبلا خساير
والدكتوره تقول اذا مافاد بنستعمل حقن الميزوثيرابي والمشكله الحقن غاليه واخاف ماتجيب نتيجه يعني خساير على الفاضي

ساعدوني اذا عندكم حلول للتساقط
وماراح انساكم من دعواتي

6 تعليق 12,944 مشاهدة

شاركي في النقاش

سجلي الدخول لإضافة تعليق.

التعليقات

6
  1. والله ماجربتها بس حبيت ادعي لك الله يشفيك اقري عليه الرقيه

    وبقولك تجربتي فادتني مع التساقط يارب تنفعك زيت سمسم تحطي معاه بن مطحون وتتركيه يغلي كم غلوه وبعد مايبرد حطيه اربع ساعات وغسليه فادتني كثير
  2. @am_hmody_quot

    حبوب فاست جرو اطلبيها من الامازون سعرها ٢٠ دولار ارخص من التاجرات اللي يبعونها اخذيلك كم علبه
    لانها تطول وتكثف الشعر بس ماادري اذا يضر الحامل والمرضع والا لا ؟

تابعي تجارب أخرى من هذا القسم.