الحين يمكن بتسالوني شنو الفرق بين المقشر المحلول و المقشر الكريم..
الفرق ان مقشر المحلول تستخدمينه لدقائق و بعدها تغلسلينه اما الكريم فهو استخدام عادي مثل الكريمات تحطينة و تتركينه على الوجة لساعات
بنات اللي حابة تقشر بالرتن أي او المحلول المقشر انصحها انها تسوي هالتقشير خلال الاجازة .. على الاقل تاخذ اسبوع الي اسبوعين اجازة علشان ما تتعرض للشمس وايد.. اما الكريم المقشر ما اشوف له داعي اجازة لكن اهم شي تستخدمينه في البيت بعد ما تردين من الدوام ولا تتعرضين للشمس وايد واستخدمي واقي الشمس
الحين بنتكلم عن التقشير بالرتن أي
الرتن أي Retin A هو مشتق من فيتامين أي Vitamin A واسمه الطبي هو "التريتينوين" Tretinoin
الفرق بين مقشر الرتن أي و التقشير الكيميائي هو بطريقة عملهم على البشرة لكن نتيجتهم وحدة .. اثنينهم يقشرون البشرة و يزيلون الطبقة اللي تتراكم فيها الاوساخ و يقللون من المسامات و الرؤس السوداء و حب الشباب والتصبغات و البقع الغامجة ويقللون ظهور التجاعيد لانهم يخلون البشرة تزيد من افراز للكولاجين و الإلاستين و تظهر اكثر حيوية و شباب
الرتن أي يتوفر بصورة جل او كريم
ومهم جدا ان احنا نعرف جم نسبة التريتينوين في الكريم مثل ما تشوفون بالصورة صنفتهم من اقل نسبة فوق الي اعلي نسبة تحت.. طبعا كل ما زادت النسبة كلما كان مفعول التقشير اقوى
المتوفر عندنا في الاسواق في دولتي و بصراحه ما شفت غيرة اهني هو.. يمكن موجودة نوعية ثانية بس ما لقيتها و الله اعلم وهي النسبة من التريتينوين 0,5 مليغرام
وفي نسبة ثانية اعلى و بصراحه انا طلبتها من برة عن طريق النت اللي هي نسبتها 1% مليغرام من التريتينوين و هذي تعتبر اعلي نسبة مافي اعلى منها طالعة في الصورة بالعلبة البيضاء
طريقة الاستخدام الصحيحة:
تاخذين مجرد نقطة وحده بكبر حبة البازيلاء مو اكثر منها و توزعينها على الوجة بعد ما غسلتية ونظفتيه و بعدها بنص ساعة حطي كريم الحساسية عندج خيارات عديدة لكن انا استخدمت الالفاكورت مسحة خفيفة كافية لا تحطين وايد (فيه نسبة كورتيزون ولا تستخدمينه على طول) واستخدمت كونتراكتوبيكس هذا مضاد للحساسية و مافيه كورتيزون وامن
ونفس الطريقة تتبعينها حق جسمج اذا فيها بقع داكنة مع الحرص بعدم التعرض للشمس ووضع كريم الواقي في حالة انج مضطرة تطلعين.
طبعا الرتن أي مفعولة التام ما يبيين الا مع الاستخدام لمدة 6 شهور الى سنة
بنات اللي تبي تستخدم المقشرات ولزيادة الحرص لازم تاخذ استشارة الطبيب.
راح اكمل طريقة العناية و المحافظة على بشرتج
في بنات راح يقولون اللي بتقشر بشرتها راح تتعود على التقشير :confused:.. و هذا الشي سمعته وايد من البنات .. لكن انا اشبه التقشير بالاستحمام
انتي يوميا تستحمين ليش؟؟!!
لان جسمج يتعرق و يجذب الاوساخ و تتراكم خلايا ميتة على الطبقة الخارجية من الجلد و يصير لونها باهت ع
علشان جذي ترجعين و تستحمين مره ثانية لتنظيف جسمج.. نفس الشي بالنسبة للتقشير..
