تجمع أمهـات أطفال الإعاقة السمعيــة ( الثـالث )

الوان انا سويت لبنتي قوقعه ودخلتها روضه عاديه سنتين وكان تعامل البنات والمعلمات مع بنتي عادي زيها زي الباقين بس انا كنت اقولهم يركزون عليها من ناحية الحفظ وكمان يتكلمون معاها ويخلونها تشارك معاهم خاصه في الكلام عشان تتعود مو بس مشاركه انشطه والحمد لله الان بنتي اولى ابتدائي وماشيه في دروسها طبيعي جدا

دلع مودي الله يجزاك خير صراحه انا قلقانه مره
كم سنه جلست بنتك في التاهيل قبل تدخل روضه
وكم كان عمرها لمالبست القوقعه
وحاليا كم عمرها وهل تتكلم طبعي او فيه بعض الحروف ماطلعت

السلام عليكم دلع مودي نفس سؤال ألوان كم مده التأهيل. أنا عمر ولدي خلص تلاث سنوات وبادي بأربع وموعد العمليه بإذن الله بعد اربع شهور يعني بعمر ثلاث ونص. واهم شئ بعد القوقعه يكون طبيعي نفس الي بعمره ....يارب أشفي أولادنا يارب وفرحنا يارب بسمع كلامهم يارب العلمين ..

بنتي لما عملت القوقعه كان عمرها 5سنين متأخره بسبب المواعيد ..قبلها كانت بالسماعه لمدة سنتين واستفادت الحمدلله منها والان لها سنتين من الزراعه بس كانت تقولي الاخصائيه لاتحسبين عمرها السمعي الا من بعد الزراعه لانه بالسماعه كانت تسمع بس مشوه ومو واضح.والان الحمدلله تنطق كل الحروف بس لما تجي تتكلم بسرعه تاكل بعض الحروف .