تفكرين في الطلاق ؟؟وعندك اطفال ,,تعالي ابيك في كلمة رأس

جزاك الله خير

كلامك صح بس انا اذا نفسيا مو مرتاحة هذا شي ينعكس على تعاملي مع اولادي فلازم ازيح الهم عشان ارتاح واتصرف صح مع اولادي الي مالهم ذنب

السلام عليكم اختى كاتبه الموضوع وبعد اللي نقلته طيب والزوجه اللي زوجها هو اللي معيشها في جحيم وصابره عليه سنين تبي تربي عيالها ولا خلاها بحالها طلعها من بيتها بعد ضرب مبرح بدون سبب وحذفها عند اهلها سنين وحرمها عيالها حتى التلفون ماتكلمهم وش ينقال عنه وكيف ترجع حياتها وعيالها من هالحقير اللي ربي حطها من نصيبه ولا عرف قيمتها حتى القضاء مالقت حل عنده لانه مايحضر الجلسات ولا تحصل محرم يسافر بها لمقر سكنه علشان بس تبلغه بحضور الجلسات وهذي هي تدور على محامي يخلصها لو بالخلع وتبدي في قضيه ثانيه حضانه عيالها هذا اذا حضر او ماغير عنوانه او حتى القاضي قالها عياله وبيربيهم حتى لو حشاش بس ماعندها دليل ويابلادي واصلي ظلم للنساء والاطفال

صحيح ان زوجي تزوج عليه وتعبة نفسيتي من كثر البكاء والقهر لكن وربي اني خرجة من هذي التجربه باني راضيه بقضاء الله وقدره
وهذا انا اطلع واخرج وسجلة في معهد لغه للترم الثاني وعشة حياتي ولله الحمد
وربي انه تيسرة لي اشياء كثيره سواء في المصروف او دراسة عيالي او حتى عودتي للدراسه مع اني اربعينيه لكن فيني طموح الشباب
والحمد لله والشكر
واعلمي ان اللي يخرج الوحده من الحاله النفسيه والالم والتعب والحزن الله سبحانه وتعالى ثم انتي
ايوه انتي كيف
لازم تحاولين تطلعين من جو الحزن بالتغلب على الحزن ولازم تسوين حاجه لحياتك مش تقولين خلاص ماعاد اقدر الا تقدرين وتقدرين وتقدرين الحياه امامك ومافي شي يستاهل في هذي الدنيا اني اوقف حياتي علشانها
عيشي حياتك اطلع اخرجي رجعي علاقة بجيرانك باحبابك قوي علاقة قبل كل شي بالله سبحانه وخلي عندك امل فيه وان مامن شي انتزع منك الا وفيه خيره لكي
والحمد لله على كل حال

جزاك الله خير موضوع رائع والكل محتاجه هالايام