شاركي في النقاش

سجلي الدخول لإضافة تعليق.

التعليقات

22
  1. @lyal_alfgr_1

    هذا قلة ذوق وقلة احترام منهم
    والافضل ماتناسبون ناس ماتعرف بالذوق والاخلاق
    مثل مايحطون لنفسهم الحق يسالون على بنات الناس, ايضا اهل بنات الناس لهم الحق يقررون بيستقبلونهم والا لا

    هي حاطة فرضية انكم بتوافقون على طول عليهم ! زين لتفرض مثلا انكم ماحبيتم نسبهم ولا سمعتهم! ساعتها حتى لو هم وافقوا انتم ماراح توافقون!
    الخطوبة قبل تتم, لازم تعرفون من هم وسمعتهم كيف, وهم يعرفون نفس الشيء, وبعدين اذا البداية طيبه تدخلون في العزايم والتعارف, اما يدخلون يتفرجون ويطلعون!! شايفين بنات الناس لعبة وسلعه لكل متفرج؟؟ والله الي اختشوا ماتوا

    وصديقتك مالها حق تزعل, لانكم ماطلبتم غير حقكم, يمكن الولد من اولها مايعجبكم نسبه واهله, لازم تعرفون قبل تعرضون البنت لكسرة الخاطر
  2. @fdoook

    معاك حق مليون الميه
    لازم تعرفون اسم الولد واسم ابوه
    وتسألون عنه على خفيف علشان الموافقه المبدئيه على انكم تناسبوهم
    فرضا هو ولا ابوه راعين سوابق مخدرات اسفار مشبوهه
    ترى حتى القبايل المعروفه فيهم هالامور
    بس اشوف تقابلوهم
    بس ماتخليهم يشوفون العروس
    جلسة تعارف
    انت وامك وامه وخواته واذا فيه اخوات لك ثانيين متزوجين مومشكله
    وتالي اذا ارتاحت العائلتين البعض وعرفتوا اسم ابوهم والرجال
    يجون ثانيه يشوفون العروس
  3. @am_fzh_khfok

    صاحبة الموضوع
    هي ياليت قالت بنجي نتعرف وبس وبعدين نشوف العروس قالت كلها عشر دقائق أجي أشوفها وان طاب خاطررري لها علمتكم بكل شي 😳
    اول مره تمر علينا وحده كذا تخطب 
  4. @beautiful_girls

    اكيد معكم حق
    استغرب الي يقولون عادي مافيها شي لهدرحه مرخصين انفسكم وتدخلون وحده ماتعرفون عنها اي شي حتى اسم العائله ماتعرفون الاصول ؟ هالاشكال هي الي تخلي بعض الناس يتمادون ويجون يدخلون بيوت الناس ويتفرجون على فلانه وعلانه ويطامرون من بيت لبيت ولا يحسبون اي حساب للبنت واهلها ومشاعرهم

    الزواج والخطبه من بدايتها صراحه ووضوح
    الاصول تتصل وتعرف بنفسها وعائلتهم وتجي تقول بنتعرف عليكم وما تجيب طاري خطبه ان حصل نصيب او الله يستر عليهم
    او تتصل وتعرف بنفسها وبولدها وتقول ولدي يشتغل في المكان الفلاني وعائلتنا كذا الخ ونبي نجي نشوف بنتكم والله يكتب الخير

    اما اسلوب بجي بس ماراح اعلمكم شي لين تعجبني البنت ليه ؟ الاهل والبنت مالهم حق يعرفون من هذي الي داخله عليهم وفاتحين لها بابهم ما لهم حق يعرفون ع الاقل اسم عائلتهم يمكن اصلا ولدكم ما يناسبنا ما ينفع لنا وين الاحترام للطرف الثاني ؟

تابعي تجارب أخرى من هذا القسم.