لقاء الأحبة *3*

مساء الخير كيفكم بنات معلش اليوم كان دوامي فترتين متواصلات
وعن اسالتكم عن هويتي الشخصيه انا من ام فرنسيه واب فلسطيني من القدس وانا مغتربه عن عائلتي من عمر صغير والوالده متوفيه والوالد متزوج من اخرى وانا عمري 31 سنه غير متزوجه يعني عانس هههه
وهادا لضروفي العائليه المنفصله وهلا انا بلندون لحالي وظيفتي مديرة قسم التطوير بالمصنع الفلاني مش ححكي سر المهنه وعايشه بفيلا الماما ونشاطاتي سباحه ورقص وقراءه وشو بدكوا كمان
اي ابل ماانسا ايمان طيبه هاي الاكله ابعتيلي مكوناتها وعلى سيرت الرجيم هلا انا نحيفه شوي وين هاي الرجيم ابعتي الرابط لالي
زهره ونونو ونيني واميره وسانو ووو مش حافظه سوري لساتني جديده شكرا على ضيافتكم

انا لساتني سهرانه يا نونو :30: مستحيل اقدر انام قبل الفجر و مع هيك بتلاقيني متل القرود صاحيه بكير (مش بكير كتير يعني عالعشره) مع هالشوب الواحد مبطل يخمخم متل ايام الشتا (سبات شتوي كنت انام) ههههههههههههههههه شوب بقعد عالنت و شوي بقوم و شوي ما بعرف شو، مقضيتها هون و هون، عملت بيتزا قبل شوي و منيح اللي لحقتها قبل ما تنحرق بس طلعت مقحمشة على وشك تنحرق :hahaha: :hahaha: :hahaha: عاد يا خساره كنت مزبطيتها، صحيح انا بحب الطبخ كتييير (حلويات خصوصا) انتي؟ خبريني عنك شو ابتشتغلي؟ و شو عامله بحياتك ؟:22:

هلا بالخوات الجدد

تشرفنا فيكم

انا فلسطينه الاصل مقيمه بالكويت ومن مواليد الكويت

عمري 24 عااااااما متزوجة وعندي بنتين وولد

:icon28: صح

مين سمعك يايوشا اخواني ولا واحد بصلي والساني انبرا وانا اشجع فيهم بصلو وببطلو كسل رهيب طول الليل سهر وطول النهار نوم هاد بالعطل وبعد الدوام هداك اليوم واحد منهم عمل حادث بالسياره والله نجاه الله يهديه لوصارله اشي انا بروح بيها وخاصه انو مابصلي طبعا ماحكيتلكم ماحبيت اقلقكم استمري يا يوشا بالكلمه الطيبه وبالتشجيع انا الحمد لله بلاقي توفيق دايمن من ربي وبحكيلهم هاد لاني بصلي اذا بتصلي الله بيسرلك وبسهلك ومن هالحكي يارب تهديهم كلهم يارب لو ابوي عايش الله يرحمه كان بالبربيش

زهره الله يسامحك انت مش داريه انو فيه حوامل هون نازله برقوق (هذا غير الدراق بتضحكي علينا) وفقوس بالموت ببلع بريقي بدي منه يارب بنتي تطلع خدودها حملاه مثل البرقوق وعسوله زيه بس دخيلك بلا من سيرة الاشياء الزاكيه مش ناقصني انا خلني تاولد
الكرشات ابعتيهم ايميل
المعكرونا من الصبح عندكم ليش مش ماكلين انا قلت خلولنا ماقلت لتصيبوش

ويلما اهلا بيكي حبوبه الموضوع اله زمان واحنا الحمد لله مبسوطين سوى انا ايمان من اربد اردنيه عمري 27 حامل وعندي بنوته اكثر وحده بقر هون مابتاخدي مني غير سوالف بفضي بالي هون لاني متغربه

:hahaha: :hahaha: :hahaha:
ههههههه اربداويه كح ميت اهلا وسهلا ايوا هيك سولفي بكلشي مش تقعدي تتضبضبي وحالتك حاله خشي بالجو على طول


ميت اهلا وسهلا وبعدين شوعانس مش عانس انت انزلي البلاد بلدك وشوفي العرسان يحبيبتي مش رح تلحقي عندك مميزات كثيييييييييييييييييير يعمري
بس سؤال انا فضوليه كتير بس بدي اتطنت هسا اي اشي انا بكتبه بالعامي ممكن تفهميه يعني انا لهجتي فلاحي بتفهمي شو بكتب اذا بنات بلدي يدوب كيف انتي
كمان سوعال عايشه لحالك لحالك اي انا مع جوزي ومحسبه حالي متغربه ولحالي وبدي اروح لاهلي
كيف انتي وطبعا بالاخر ميت اهلا وسهلا هي انت مندوبنتنا بلونضن