السلام عليكم ورحمة الله وبركاته
اعتذر عن الانقطاع بسبب ضغط الشغل
اشكركم كلكم على متابعتي واتمنى عليكم لو اي وحدة عندها رأي او مشاركة تنلزو للبنات لاتقول هذا موضوع همسات هي بس اللي تكتب لا هذا موضوع للجميع حتى اني دعيت بعض الاخوات في المنتدى انهم يشاركونا بس الى الان ما احد رد ولا شفت مشاركات
المهم نرجع للموضوع
بعض الزبونات تجيب لك كل الخياطة اللي عندها في البيت مثلا فساتين تنانير بلايز الخ الخ تكون محتاجة تعديل او ممكن قماش وتقول لي ابغاها في اليوم الفلاني اوروح اقص وافصل او اعدل واتصل عليها تجي تاخذ اشياءها وتقول طيب وما تجي وبعض الاحيان تقعد عندي الاشياء بالشهور(وفي خياطة قعدت عندي اكثر من سنة ) والمشكلة مو الفلوس بس كسل من الزبونة ومو جاي لها مزاج لان المشوار بعيد
هنا انصحك اذا أتأخرت اتصلتي عايها قولي لها بذوق انك بعد اسبوعين راح تتصرفي في الأشياء اللي عندك وانك غير مسؤولة اذا جات بعدين تبغاها طبعا ممكن تجي وممكن لا انتي انتظريها 3 اسابيع اذا ما جات ارفعي اشيائها فوق دولاب او مكان بعيد وانتظري اذا جات كان بها واذا ما جات خلاص اتصرفي فيها وتكوني بلغتيها
يتبع
تجربتي في الخياطة في المنزل
متابعة النقاش، صفحة 25