شاركي في النقاش

سجلي الدخول لإضافة تعليق.

التعليقات

88
  1. @am_aldaaaaa

    لاحول ولاقوه الا بالله وووش هالردود وش هالاسلوب

    افهموا الموضوع هي ماقالت انا ظروفي كذا وكذا وش رايكم اجيب مربيه

    قااااالت يصير عاملتين باسم كفيل واحد

    انا بجاوبك. يشترطون ان الراتب يكفي لكفاله عاملتين والله يوفقك باللي ترضيك


    بنات ترى مومعناته مربيه يعني انها صارت ام لطفل

    المربيه اذا عندك اطفال صغار على بعض تراقبهم وتنتبه لهم يازينها


    اذا هي موظفه جدا مهمه لها المربيه واختلاف الرأي لايفسد للود قضيه
  2. @tmohy_raky_1

    ابفهم وش دخلكم تنصحون هي سألت عن امكانيه انها تجيب مربيه باسم زوجها وعندها قبل خدامه باسم زوجها ماقالت شرايكم اجيب مربيه ولا ياشين اللقافه !! وعاد ليت الاسلوب زين !
    اي حبيبتي يصير تقدمي بس اتوقع تدفي 300 زياده للمكتب ومسموح
  3. @myorh_hyaty

    صدق همج وغيره وحسد وش هالاساليب السوقيه اللي رديتو فيها ع الحرمه
    يمكن موظفه واحتاجت انها تتوظف مو شرط توظفت كذا فضاوه يمكن محتاجين للماده فأكيد لازم انها ماتضحي بالاطفال وتحطهم عند خدامه عشان كذا تسأل عن مربيه متخصصه
    هذا ظرف من الظروف يمكن لها ظروف غير !!! واصلا حتى لو ماعندها ظروف عادي تبي تنبسط وتعيش حياتها مو معناتها صارت تخلف وترمي استغفرالله كيفها هي حره
    من جد قمة الغباء وتجون تتشكون زوجي وزوجي طبيعي ماراح يحترمك زوجك لانك ماعزيتي نفسك محسستيه انك شغالته وشغالته عياله
    خلو الحرمه تعز نفسها وتجيب مربيتين بعد مو وحده ونصيحه لك اختي كاتبه الموضوع ارقي نفسك من عيونهم
  4. @yarony

    حرام عليكم ياناس اطفالكم امانه تخلونها بيد وحده ماتعرفينها ماتدرين وش تزرع في اطفالك يانا س متى بتتعظون مايكفي الي صار لتاله والطفل مشاري ومها وغيرهم كثييييييييييييييييييييييييييييييييير يا اختي والله اني خايفه عليك من يوم تلعنين الساعه الي فكرتي فيها تجيبين هالمصيبه اقصد المربيه
    والله يا اختي انا معلمه فمدرسه اهليه ومايخفى عليك اغلب الطالبات في المدارس الاهليه مع مربيه اوخادمه والام لاهيه بالوظيفه والزيارات وربي عندي طالبه عمرها 8 سنوات تطلع مع الشغاله والسواق بدون علم الاهل والطالبه تقول لي معلمه انا والشغاله نتفق نطلع بدون مانعلم ماما غير مصايب التحرش والبلاوي
    وربي انا مقدره حاجتك للمربيه وحاسه فيك لاني ام وموظفه وعندي طفل صغير واتعب مره لكن مستعده اتحمل ولا اعرض اطغالي للخطر حتى لو كان نسبته واحد بالميه
    الي بتقول وش دخلك ولا وش هالقافه ماطلبت رايك احب اقولها سيد الخلق محمد عليه الصلاة والسلام قال الدين النصيحه
    وماقلت رايي الا من خوفي عليها ومحبة فيها وكل اناء بما فيه ينضح
  5. @akht_oakhtha

    ميوره حياتي
    صدق همج وغيره وحسد وش هالاساليب السوقيه اللي رديتو فيها ع الحرمه يمكن موظفه واحتاجت انها تتوظف مو شرط توظفت كذا فضاوه يمكن محتاجين للماده فأكيد لازم انها ماتضحي بالاطفال وتحطهم عند خدامه عشان كذا تسأل عن مربيه متخصصه هذا ظرف من الظروف يمكن…
    حلوة ذي سوقية وانتي تسبين ؟؟؟!! علمي نفسك بالاول
    بعدين ترا اسمهم عيالنا مهب عيالة بس شكلك متعودة مع رجلك مافية مشاركة ولا تعاون

تابعي تجارب أخرى من هذا القسم.