السلااااااااااااااام عليكم
ياغاليات
اشكركم جميعا على الرد والله طيبتوا خاطري وريحتوني الله يريح بالكم
اسأل الله ان يجعل لكن من كل هم فرج ومن كل ضيق مخرج ومن كل بلاء عافيه
وان لايكلفني ولايكلفكن مالانطيق
والله انا لو اقدر اعتذر عن الوظيفه كان اعتذرت بس انا في امس الحاجه لها الوظيفه
والله المستعان
انا تخصصي كيمياء وحاطين جنب اسمي في موقع الخدمه المدنيه ادرس ثانوي كيمياء
كيف حطوني بحصاة مدري قلعة وادرين مدري
ذبحني التفكير انا سمعت من كذا وحده ان مافيها الا مدارس ابتدائي ومدرسه وحده متوسطه
اجل كيف ادرس كيمياء ثانوي
وفيه موضوع ودي استشيركم فيه
انا اليوم كنت ناويه اروح آخذ خطاب التوجيه
بس زوجي قال لا باروح ادارة التعليم بالرياض واشوف الوضع ولعل وعسى يكون فيه مخرج
جاني قبل شوي قال سألت وطلعت ونزلت يقول شافوا اسمك ونقاطك
يقول قالي زوجتك ووحده ثانيه هم اعلى نقاط في القويعيه ماشاء الله
يقول استغل هالنقطه ولا تخلي ولا مسؤل ماتدخل وتشكي له
لان العام اللي نقاطها عاليه لها الاحقيه انها تكون اقرب
بس يقول هالمره مستعجلين علشان النقل الالحاقي اللي بيحطونا بدالهم
فيقول زوجي كتبت خطاب تظلمت فيه واخذت برنت بنقاطك ومعلوماتك التعليميه والوظيفيه
ويقول ماخليت احد
وفيه واحد اخذ الخطاب وكتب اسم زوجي ورقم جواله وقال له يصير خير
فما ادري يابنات من الناحيه الدينيه خليكم من الوظيفه واغرائها
دينيا يجوز اللي صار
ولو قربوني مافي علي اثم
او ممكن اني اخذت مكان وحده يمكن كانت قريبه
وتزعل وينحرق دمها ويوجعها قلبها مثل ما انوجعت
والا نقاطي تشفعلي وبكذا يكون لي احقيه ولاعلي ذنب
يوم قلت لزوجي هالكلام قال والله انك قوية وجه :angry2:
قالعينك آخر الدنيا وجايه تفلسفين علي
شوروا علي يابنات اخاف علي ذنب
يامرشحاااات القويعيه تعالوا .... الخبر الثاني الذي صعقني
متابعة النقاش، صفحة 5