صديقتي والواتس
السلام عليكم يا حوائيات...بأدخل في الموضوع على طول... هذا وش اسمه صديقتي طلبت مني احط مشكلتها...متعبتها مرة و بأعرض عليكم الموضوع ورجاء اللي عندها نصيحه تقولها واللي ما عندها تدعي لها بالخير لا تجيني وحده تتفلسف...الموهيم يا طويلات العمر صديقتي موظفه وعملها يحتم عليها تحتك بزملائها ومثل ما انتم عارفين جوالاتهم تكون مع بعض يعني لو احتاجو بعض ف امور العمل... هي تقول لي ان زميلها هذا جدا محترم :blink:وجنتل و وهي مع كثرة اﻹحتكاك في الشغل تتواصل معه بالوتس وتقول احيان ارسل له بعض المقاطع :unsure: لا تفهمونها غلط تقول استحي اطلب شي على طول فأحيان اصبح او امسي عليه ثم اطلب اللي ابيه واحيان ارسل رسايل دعويه او نكت على حسب المزاج...طبعا زوجها عارف انها تتواصل معه للشغل...وهي تمسح اﻷشياء الثانيه اللي ما تخص العمل...تقول في الفترة اﻷخيرة قام يقولي انتي ما تطبقين النصايح اللي :boom:ترسلينها واحيان يروح بالي لشي ثاني؟؟؟...هي انحرجت من هالكلام وما قصدها الشي الثاني اللي جاء في باله...انا نصيحتي لها انها تحذف البرنامج من جوالها او تسوي له بلوك وتخلي تعاملها معاه رسمي احسن لها...لان بعضهم زي العاهة اذا كلمته الوحده على باله انها تبيه...وللمعلوميه صديقتي هذي تحب زوجها وعندها منه عيال وطيبه جدا و اضمن لكم ان نيتها سليمه ولا فيها خبث...طالبتكم اخواتي تردون علي وهي بتقرى ردودكم..