بسم الله الرحمن الرحيم
السلام عليكم ورحمة الله وبركاته
صبحكم الله بالخير يا بريديقسنات وتفيفيحات المنتدى صباحكم:26:
باقولكم سالفه اليوم غريبه ..........
في سنه من السنين حنا متعودين نكشت للبر اذا كان الجو مغري غيوم وامطار وخير وجون يالله من فضلك .....كان الجو في ذيك السنه مره روعه وقررو حمولتي يكشتون ............
كالعاده ابونا مايبي يتخلى عن كنزه الثمين ..وحنا يالمساكين نشوف الناس تحمل عفشها وتشيل
وعيوننا تلاقط ونحاول فيه ونترجى والترهيب والترغيب ما فيه فايده
قلت :شف انت ماودك حنا نبي انت اقعد وحنا نبي نحمل قشنا وخيمتنا في دينا ونروح مع احد عمومتنا
ياخي حنا مشاوفين .......
قال لا ****تنامون لحالكم في الخيمه
قلت نجيب مرت عمنا تنام معنا رجاليتن سنعه تشيل عامود الخيمه بيد ....
وانا تراي قشرا ادبج على الواحد ولاه صايرن توست خخخخخخ
قال انزلعي والله انتس خبله تخافين من الصارور
قلت ايه الصارور مهب رجل ........
قال لا تحاولين بس انزلعي انا مهبول اخليكم تروحون واقعد لحالي...:(عارفن نقطة ضعفي )
قلت عندك الغنم اشبع خلهن يطلعن من خشمك ونم عندهن بعد قال ترا اجيب تفيفيحه
قلت جب (تبي الروحه)
يوم شفنا ما فيه فايده خذت عيالي ورحنا لسست الحبايب ......
وشرحنا واستعطفنا واضفنا بعض المؤثرات الصوتيه ..(خليت عيالي يصيحون )خخخخخخخخخ
ونطعت اليمين انا نروح هههههههههههههه ههههههههههههه
قلنا خلاص ضمنا الروحه
حملنا اغراضنا زيهم وفرشنا وخيمتنا ومشينا سوا........
يوم وصلنا للموقع ولا عمنا الله يرحمه (توفي)مجهز لنا المخيم وطاقن الشبك ومضبط المطبخ والحمامات وانتم بكرامه ما بقى الا كلن يطق خيمته
المهم الحين كلش تمام المخيم على سنقة عشرة .........
انبسطنا كثير وكانت برد وكنت احشي عيالي من الملابس لين ما يقدرون يمشون خخخخ
وانا البش البالطو الفرو وتحته كم فنيله علي كم جكيت غير البجامات الداخليه ههههههه
يسموني الفقمه .....والدولاب المتحرك خخخخخخخ
كنا نسهر عند النار ومرت عمنا ياخذها النوم وهي جالسه وتجي وحده من البنات وترش على النار ملح همين تبدا النار تفرقع كنها رصاص ونبدا صراخ حراميه والمسكينه تقوم تناقز ما تدرب وش تسوي ولا وين تروح وحنا ميتين من الضحك .:hahaha: .والله حرام كنا مهابيل الله يعفو عنا بس
بس ربي عاقبنا......
في يوم من الايام .....كنا فارشين في الساحه حقت المخيم برا وشابين النار وقاعدين نتقهوى
ورجالنا رايحين يحطبون ويستكشفون ماعندنا الا اثنين رايحين يتمشون حول المخيم على رجليهم
وفجأة...تطلع لنا ذيك السياره ماندري من وين ؟؟؟:
ومعط بالبنزين لين دخلو علينا وينزل منها اثنين ملثمين:30: :30: ونتراكض واللي دخل خيمته واللي تغبى ورا خالته خخخخخ::eek: مسكينه فالت روحو ادخلو وصكو عليكم وفعدت هي في مكانها ما تحركت:(
المهم مع الصراخ والصياح اللي يسمعه اللي في مكه جاو الرجال القريبين يركضون
ويوم شافوهم الحراميه هجو وركبو سيارتهم ......
ويركبون رجالنا سيارتهم ويلحقونهم ...
وحنا اللي يصيح واللي يدعي وما نشوف الا غبارهم بهالبر يتلاحقون وخالتي يعمري منهبلة على عيالها تقول الحين يتذابحون وحنا نراقب ونصيح وندعي ........
ودبتسي الين شفنا سياره مقبله ووحده اختفت .......
يوم وصلت اوقربت ولاها حقت قطاع الطرق ......طيحو رجالنا بحفره وخلوهم مغرزين وجو......::09:
يتبع.........
مذكرات مرت راعي غنم<< الموضوع سيتم حذفه لو استمر الاعضاء في الدردشه!
متابعة النقاش، صفحة 102