انقققذوآ جسمي !!

حبيبتي العلاج بيدك بس قوي قلبك وحبه حبه اتعودي على الاكل ..مستحيل تتغيرين في يوم وليله واساسا هذا شيء مو طيب..
لكن بالراحه على نفسك ابداي كلي لقيمات صغيرة وماراح تزيد وزنك بس شوي شوي راح تحبي الاكل بعدين نظمي اكلك زي ماتبغين بس اهم شيء لاترجعين خطوة لورى ابدا ولاتفكرين في المقدار الي اكلتيه واذا فكرتي طنشي واتناسي..

كلمة ما اقدر هذا هي الي مضعفتك لو كل يوم اقنعتي نفسك انك تقدرين وانك راح تمتلكين اجمل جسم وانتي بصحه وعافيه
كان قدرتي تسوين كل الي نفسك فيه بالطريقة هذا لو كررتي الجمله هذاي كل يوم بكل ثقه راح تلقي نفسك اتحسنتي ..

اعرفي الانسان الي عنده همه يقدر يشق الارض ..والانسان الي ماعنده همه راح يبقى طول عمرة يطالع في نفسه وهو في نفس المكان ما اتغير لا الي حقق احلامه ولا الي ارتاح من التفكير فيها ..

ماشالله عليها كفت ووفت ..

بالاضافة لكلامها حاولي تتعرضي لاشعة الشمس يوميا لمدة 10 دقايق

من الساعة 9 الى الساعة 3 العصر

وحافظي على اذكار الصباح والمساء .. وبإذن الله تتحسن نفسيتك ..

الله يشفيك ويمتعك بالصحة والعافية يارب ..


اللهم صل على محمد ..

من جدك 33 !!!!!!!!!!!!!

انا نفس طولك ويوم كان وزني 40 كانو يصنفوني من اهل المجاعة فشلون انتي !

انا زاد وزني من 40 او 39 الى 47 وقرب لل 48 وحززنت نفسيا وقررت اضعف الحين وصلت 45 واحيان يزيد ل 46
ابي اضعف شوي بس الزم ماعلي صححتي

انا اساسا نظامي كسول وغللط اقعد متاخرة ومايمديني اكل شي الا متاخر واتكاسل اطبخ صراحة وماما مريضة ماتقدر تطبخ يعني كله من مطاعم وانا صراحة ماحب اكل المطاعم ولااثق فيه فصرت كله قاعدة ع النت واذا كلش ضرب الجوع اشرب لي ايس تي واكل شيبس وكاكو وهالخرابيط كلش اذا تشطرت اندومي الي بس تحطين ماي مغلي

لكن بعدين لاحظت اني كله دووخة وماقدر اسوي شي وكله ابي انام واتعب والدورة جتني متقطعة ودمها قليييل وغيير ايام البرد امووت من الام رجولي فقلت كله ولا الصحة

والحين شوي اتعدل نظامي صرت اشرب حليب وكورنفلكس يعني اسهل شي وصرت اكل فواكه احيانا وادور بهالطبخات واحب اسوي كل فترة طبخة جديدة وناكلها انا وامي ويعني ماشية الحياة

والله الاكل شي حلوو مدري ليش تعيفينه انا فيني عقدة من المطاعم ومااكل منهم الا اشياء فيجتريان (نباتي يعني ) بس احاول اطبخ الي نفسي فيه بنفسي واكل

واغصبي نفسك او اكلي مع ناس تفتح النفسية مثلي خخخ امزح

لا حول ولا قوة الا بالله ,

كيف بدأتي ؟؟ يعني كان وزنك مثالي ,
ايش صار فجأه وصار عندك هوس ريجيم ؟

هو مرض أثر على أكلك ولا لمن بدأتي ما تاكلي كنتِ قاصدة النحف ؟؟

حرام عليكِ نفسك حبيبتي ,

عندي لك فكرة , شوفي مجلات الأزياء ,
شوفي الفنانات وأجسامهم وهي ريانة وحلوة ,
الاجسام الملفوفة .. بروز المؤخرة والصدر , وكيف بفساتين السهرة المنظر واو ,

وانتِ تاكلي اتفرجي على الاشياء هذه , يمكن تعطيك دافع ,
وفي نفس الوقت ما تنتبهي لنفسك وانتِ بتاكلي , هذه اذا كان ماتقدري تاكلي ..


مو يقولوا اللي ياكل مع الناس أو وهو يتفرج تلفزيون يضاعف كميات أكله وما ينتبه لنفسه ؟
ما قدّامك إلا تعملي كده ..