مابغا زوجي اهمال كرهني فيه

مممم
انا اشوف بما انو تغير مفاجئ معناتو هوا تحت ضغط نفسي او عمل وبكدا يحط حرتو ف الاكل والاهمال ....
الحل انتي سويتي الخطوة الاولى كلمتيه وصارحتيه
دحين هوا محرج منك فممكن كرد فعل بيتدلع ويعاند شوية تعرفي الرجال يبو يبينو انهم دايما الصح !
الخطوة التانية الاشياء اللي تبي يسويها سويها انتي كمان
مثلا تبي ياكل اكل صحي كلي اكل صحي قدامو .. بس مو تقوليلو شوف انا باكل اكل صحي موزيك مدريش طبعا غلط
الفكرة زي لمن الاطفال تبي تعلميهم الصلاة تقومي تصلي قدامهم كتير عشن ترسخ فبالهم انو دا شي واجب علينا نسويه فبالتالي يقلدونا وبالمناسبة دا شي مو من عقلي و
أكيد عارفة " إن الله لايغير بقوم حتى يغيروا ما بأنفسهم "

الخطوة التالتة إنو ماتخلي ف قلبك بإسللوب سهل ولطيف تقولي اللي مو عاجبك وبعدو تقولي اش اللي يعجبك وإزا طلبك او هادا تقولي انا ابا انبسط معاك ع اكمل وجه لانك زوجي وماحقدر انبسط الا لمن تفرش اسنانك مثلا او تتضنف ولا ايش ما كان الشي اللي مضايقك

أما عنك انتي ي حلوتي (f)

دحين دا الفتور وكلو عشن كاتمة ف قلبك وبشي قدام عيونك طول الوقت حتطفشي شي طبيعي

المهم ماتعيديها وتخلي أكبببر حقوقك هوا حق نفسك ع نفسك
انتي اش اهم شي عندك ؟ بعد ربك طبعا ودينك انننتيي

والشي الاساسي في الاتنين طبعا الدعاء و الصلاة ماذكرتهم لانو اكيد عارفتهم و كمانا الصبر لا تنسي انك تؤجري اذا اتغير بسببك للافضل


ومعليش ازا طولت بالكلام بسس حبيت اساعدك وفتحت ألبي لكي

شوفي حبيبتي انا معك ان الله جميل يحب الجمال والنظافه من الايمان وزي ماالرجال يحب الزوجه نظيفه وحلوه هيه كمان تبي زوجها نظيف انتي خبريه انه مايصلح يصلي وهو وسخ وانه لازم يفرش ويتعطر عند كل صلاه وباالنسبه للحلاقه انتي مدحييه لما يحلق وقولي ماحلى شكلك والرجال يحبون المدح اما السمنه المفروض ماتزعلي لان هذا الشي مو بيده ترى صعب الواحد يساوي رجيم بس انتي ساعديه من ناحية الطبخ وموفقه

هعهعهعهع بانفخ في قربه مقطوعه

نايم برا في الصالون في داهيه خلي عساه مادخل دايما اجي علي نفسي واقول يابنتي احتسبي الاجر وقومي راضيه لاتنومي زعلان علشان ربك ووالله حتي دحين حاسه بذنب ان كلمتو وقولتلو ادخل والله بس علشان ربي احتسب فيه الاجر بس والله تعبت بلا زواج بلا زفت بلا حب بلاقرف مع السلامه يسافر اصلا كرهتو قال علاقه زوجيه ويجرو علي الزواج ولما يتزوجو يعذبو بنات الناس تلاقيهم ماهم فاهمين شي

هههههههههههههه
شر البليه ما يضحك
مالك الا تجهزين الحمام كل يوم و تحمميه

الله يكون بعونك