الاستحمام : منتجات سيباميد حلوه وما تسبب حساسيه خاصه عيالي عندهم اكزيما موسميه وجفاف في الجلد
الشعر : بخاخ البلسم من جونسون اعشششقه هههههه رهيب للي شعر عيالها خشن يصير الشعر موويه ويسهل تسريحه
امرض الصدر والبلغم : ملعقه زيت سمسم يخليه يرجع كل البلغمم باذن الله
ترطيب الجسم : من الولاده الى سنتين منتجات جونسون الزيت والمرطب الوردي وزيت السمسم يقوي العظام وخاصه اذا عرضتيه لشمس وهو متدهن فيه .. فوق سنتين زبدة الكاكو من فازلين مرره روعه وفي البرد قبل المدرسه لازم ادهن وجههم بطبقه خفيفه من الفازلين يحميهم باذن الله من ضربة البرد
الفيتامينات : زيت كبد الحوت وفيروجلوبين شراب طعمه مرره حلو لانهم حاطين عليه عسل وفيه كل الفيتاميناات ووصفه الدكتور لبنتي لانها مرره ضعيفه. وكانت ما تنااام وكان السبب نقص الحديد والحمد لله نفعها باذن الله الفيتامين . انا اخذ منه كبسولات عشان فقر الدم ولاحظت انه حسن شعري صار فيه للمعه وحسن بشرتي
التسالي : فش فاش ودوريتوس اشوف انه افضل المنتجات وعصير كي دي دي لانه الوحيد الي نسبة السكر والمواد الحافظه فيه قليله ابتعدواا عن عصير الربيع كنت احبه انا وعيالي بس نسبة السكر فيه عاليه جداااا .. والحليب بالنكهات بعد عمر السنه بس الي عندها ولد اوفر ويت وزنه زايد تبتعد عن ححليب النكهات ... ومن انواع الشوكلاتات اشتري لهم جالكسي وسنكرز اشوف انهم الافضل و مستحيل احذ لهم اي شيء ملوون
الاذكار : قراءة دعاء النوم وسورة الكرسي من اول ما يبدا يتعلم الكلام وبتصير عاده باذن الله واذا صغير اقرايها عليه وبينام نووم هادي وبترسخ في مخه
الخروج : تلقينه دعاء الخروج حتى يحفظه وتحذيره من الكلام مع الغرباء واي شيء يصير له يعض ويصررخ وما يخاف < كلام طبيبه نفسيه شفته في التلفزيون وعلمته اولادي
واستودعيهم الله في كل وقت والله خير الحافظين
ختاما الحضن في اي وقت اي ساعه والقبله والكلام الجميل (يا حبيبي .. يا قلبي .. يا دكتور .. يا استاذ .. ) من اول يوم ولادته يخليه متزن نفسيا
اسفه على الاطاله بس حبيت تستفيدون مثل ما استفدت منكم اسال الله ان يوفقنا لتربيتهم تربيه صحيحه ويرزقنا برهم
دعــوه للنقـــاش / عنايتي ب أطفالـــــي ..شاركوني تجاربكـــم
متابعة النقاش، صفحة 10