السلام عليكم ورحمة الله وبركاته
شلونكم..اخباركم
عندي مشكله ويا الكيك لما اسويه مايضبط يتشقق وياي حاولت كذا مره وتطلع نفس اللي قبل
تتشقق
وهذي مقاديري شوفو صح او لا
احط اول البيض بعدين الزيت واخلطهم وبعدين السكر والباكنج باودر والفانيلا واخلطها وبعدين الحليب السائل وبالاخير الدقيق واخلطها وادخلها الفرن ولما تخلص تكون مشققه
ابي حل فديتكم
شاركي في النقاش
سجلي الدخول لإضافة تعليق.
التعليقات
12- اول شي السكرمع البيض مع الفانيليا 5 دقايق
بعدين الزيت بعدين الحليب تضيفيهم بعدين مع الدقيق
تكوني نخلتي الدقيق والبيكنج باودر مع بعض - الطريقه الصحيحه
ضعي 5 بيضات في الخلاط مع فانيليا سائله مره واحده بالغطاي واخلطي
ثم كاسه ونص سكر واخلطي ثم كاسة زيت واخلطي
ونص كاسة حليب سائل واخلطي
ثم توضع في وعاء فيه 2 كاسة طحين منخول و3 ملاعق كبيره باكنج باودر وحركي بالمضرب الاسلكي وضعيهم في صينيه مدهونه زيت ومرشوش عليها طحين وادخليها في فرن دافي مدة 35 دقيقه والدرجه 180 ولا تفتحي الفرن قبل مرور نصف ساعه على وضعها الفرن
اتمنى ان اكون افدتك
واي سؤال انا في الخدمه - يمكن انتي تشغلي الفرن من فوق وتحت مع بعض وهذا خطأ
من تحت اول واذا استوت تشغلي من فوق تاخذ لون بس - سبحان الله
- هذي طريقتي المعتمده بالكيك
حطي كاس وثلاث ارباع دقيق مع ملعقه طعام باكينغ بودر في صحن على جنب وافتحي الفرن من تحت على ١٨٠ واخلطي اربع بيضات مع كاس ونص سكر وشويه فانيلا خمس دقايق بعدين ضيفي عليهم ربع كاس زيت واخلطيهم بعدين ضيفي كاس حليب واخلطيه خمس دقايق واضيفي الدقيق عليه بالتدريج واخلطيه خمس دقايق وحطي الخليط بصينيه مدهونه بزيت وحطيها بالفرن وبعد سبع دقايق اوعلى حسب فرنك اذا انتفخ الكيك نزلي النار ل١٦٠وماتفتحين الفرن الابعد نص ساعه اوخمس وعشرين دقيقه حسب فرنك وذا حسيتيها سائله شوي من فوق عادي لانك بتفتحين الفرن عليها من فوق حتى تشقر واذ استوت خليها تبرد شوي وقطعيها وبالعافيه
مواضيع مشابهة
تابعي تجارب أخرى من هذا القسم.