الموضوع مغلق

اول مرة اسافر الإمارات وين تنصحوني اسكن الشارقة أو دبي

بنات أنا أول مرة بسافر للإمارات إن شاالله أنا ومعي ثنين من خواني نبيها سياحه لثلاثة أيام بس ابي ترشحولي وين اسكن بفنادق الشارقة أو دبي لأني ابي فندق محتتتتترم ومافية خرابيط يعني عااااااااااائلي تكفوووووووون لاتخلوني الي تعرف فندق ممتاز ومحترم لاتبخل علي

6 تعليق 9,494 مشاهدة

شاركي في النقاش

سجلي الدخول لإضافة تعليق.

التعليقات

6
  1. @alaaaklh000

    حبوبه اذا تبين من ناحيه السياحه وقرب الاماكن اكيد في دبي
    بس الشارجه اهدى وارخص من ناحيه السكن اكيد

    في دبي في وايد فنادق مميزه

    عندج فندق ذا ادرس دبي مول ,,قريب من دبي مول تروحين له مشي واطلبي غرفه مطله ع النافوره وتميزي بالعرض
    عندج فندق كمبنسكي الامارات مول في ممر من الفندق للمول وفي غرف مطله ع الثلج لانه المول فيه صاله ثلجيه فيها العاب واشياءات تحفه بتستانسين فيها ..
    عندج فندق انتركونتنتال هذا عدال مول فستفيال ستي في ممر للمول بعد وفالليل وقت الجو حلو تقدرين تتمشين برا في قعدات ومطاعم لانه متصل بالمول وع البحر ..
    عندج فندق grosvenor house ..هذا في مرسى اليخوت بما انه الجو حلوز الحين التمشي ع البحر بيكون روعه وقريب من الممشى نسميه ذا ووك كله مطاعم وقعدات فنتكه..

    وفي اتلانتس طبعا معروف

    في وايد الصراحه وكل الفنادق راقيه وما عليها كلام بس ذكرت لج الي قريبات من المولات والاماكن الحلوه ..ولج حريه الاختيار وابحثي عنهن في صور لهن ف المواقع

    كل هالفنادق ف دبي واذا قررتي تسمنين ف الشارجه قوليلي وبنصحج بالفنادق




    واي مساعده انا حاضره
  2. انا كل ما اروح الامارات اخذ شقه مفروشه في الشارقه ارخص كثير من دبي وهي ماتبعد كثير عنها ..طبعا انا احب الشقق الفندقيه او الشقق المفروشه احس اريح لي لأنني معي أطفال واحب اسوي فطورهم ويكون في غلايه ماء وكل شي والله يوفقك في موقع للسياحه بيساعدك ..طبعا من الأفضل تحطين لك جدول أو خطه وتشوفين أفضل الأماكن في دبي ..
  3. @maaalyk_mn_alhky

    شوفي حبيبتي اذا تبين السياحه والتسوق اكيد دبي
    ليه ماتاخذو شقه احسن مافيها أي شي من الخرابيط على قولتك احنا كل مارحنا لدبي نسكن بشقق توليب كليك حلوه ونظيفه وبوسط دبي كل شي قريب منك
    اتمنى اكون افدتك
  4. @fall2007

    هلا اختي انا عايشة بالامارات

    حبيت اقول لك ان اغلب المولات و الطلعات في دبي يعني اسكني في فندق زين في دبي
    لانك لو سكنتي بالشارقة راح تموتيييين من الزحمة مابين الشارقة و دبي على شارع الامارات بين الساعة 4 الى 7 العصر. و الصباح من 7 لين مدري 9

    دوري في booking.com على فنادق و حاولي سكنين جنب مترو لانك تقدرين توصلين لاغلب المولان بالمترو

    اي استفسار ثاني؟

تابعي تجارب أخرى من هذا القسم.