شاركي في النقاش

سجلي الدخول لإضافة تعليق.

التعليقات

111
  1. @aaashk_dhn_alaaod

    الله يكتب لك اللي فيه الخير وانا اختك
    الشكوه لغير الله مذله صلي ركعتين اخر الليل وادعي ربك انه يصرفه عنك ترى والله سهام الليل لاتخطي
  2. @markh_7

    حبيبتي مايرد القضاء غير الدعاء...ادعي وإسعي استخيري وإذا مارتحتي دقي على الرجل شخصيا وقوليله مو موافقه.... ....مأقولك هذا الكلام ...عشان اخوفك لا والله بس حقيقه والله كل الحريم اللي اعرفهن متزوجات معددين تعاسه ومشاكل لليل باختلال درجاتهن لاتقولين صغيره ولا تزوج عليها عشان مايحبها اكيد بيحبني وبيفضلني..والله هذا الكلام قالو كثير وبالنهايه إكتشفوا ان الرجل اناني مايحب إلاشهواته وعياله فقط ..وحتى لو مال لوحده فيهن ...كفايه جو المشاكل والنكد ...والظلم والغيره والكيد...انا عندك مثلا لحد اليوم اعاني من إضطرابات نفسيه بسبب زواج والدي ومع إني تزوجت وحتى زوجي اتوقع لو وحده ماعندها صبر على أطباعه كان تطلقت منه ...لكن قسما بالله العيشه معه جنه...مقارنه بحياة ابوي المعدد وكل عائلتنا حتى الزوجه الثانيه مع إنها صغيره والفرق بينها وبين ابوي فوق 20 سنه..وحقيرهه خربت حياتنا كثير وكذابه وحسوده وسببت لنا مشاكل كثير وغيرت ابوي علينا إلا اننا نحزن عليها ابوي كبير وماعنده اسلوب صح هو طيب وحنون بس محرومهن العاطفه لان ابوي ينام بالحوش ....ع طول وابوي وهو ابوي والله إنئ اعترف انه رجال زيه زي غيره اناني ومافكر إلا بشهواته تزوجها عشان يجدد ويغير وهي المسكينه راحت فيه والله لو تشوفينها وتقارنينها باللي بعمرها تقولين عمرها 50 سنه من الهم ....عجز ابوي وعجز فيها..
    وخطيبك واضح إنه بيتزوج عشان يجدد رغبته ويثبت للناس إنه مازال قادر...بس للأسف ع حسابك انتي
  3. @smo_alaazyzh

    بدارين
    45 شايب حرااام عليكم وانتي 25 موصغيرة المفروض عندك بزرين ولا ثلاثة انا ثانيه وحمد الله مرتاااحه
    تقارنين عمر 25 ببواحد عمره فالاربعينات اوكي صح مو شايب لكن فعمرها كبير عليها مره يعني لوكانت بالثلاثينات نقول اوكيه لكن بعمرها وهوفالاربعين لاوالله انا لو مكانها وبعمرها والله ماوافق وبعدين هي اكيد لو متزوجه عندها 3 طبيعي حتى اللي تتزوج وعمرها 12 تقدر تجيب ثنين وثلاثه لكن ماهو منطق ابدا انها بهالعمر وتاخذ متزوج واكبر منها بكثير وعنده عيال يعني لاتقيسين حياتك بحياة غيرك اذا انتي مرتاحه جايز هي ماترتاح واتحدا اي وحده تقول اقبل بمتزوج واكبر مني بسنوات وانا باقي صغيره الا اذا الظروف اجبرتها زي وضع صاحبة الموضوع اكيد كل بنت تتمنى تاخذ واحد شباب وقريب من عمرها او اكبر شوي وتفكيرهم متقارب صراحه يضحكوني اللي يقولون المتزوج والكبير رزه وثقل وفاهم اقسم بالله ان فيه شياب وبعيالهم ويسكرون ويروجون مخدرات واخلاقهم ماتسوى ريال الله يعافيهم ولايبتلينا موكل شاب فاسد والا كل شايب عاقل الاصابع ماهي سوى عموما انا اقول ارفضي قد ماتقدرين مافيه شي بالغصب
  4. @thlog_almhyt

    صاحبة الموضوع
    لا مو بشاير

    حتى ثقتي بنفسي اهتزت وربي ودي ارجع زي قبل بس عجزت
    بنات ادعولي بظهر الغيب
    ادعو ان ربي يصرفه عني ماقدر ارسل مابي مشاكل مع اهلي
    بس ربي قادر انه يصرفه ويخليه يتراجع
    بس ادعولي بظهر الغيب

تابعي تجارب أخرى من هذا القسم.