السلام عليكم
بنات انا عمري 26 وعندي ولد
متزوجه من سنه ونص
ابغى اتطلق
عندي اسبابي
زواجي ما يحافظ على صلاته
مقصر معايا في العلاقه الخاصه كل اسبوعين مره واخر مره 3 اسابيع مره واسبوع دوره يعني مره في الشهر
وغير كدا هذا اذا طلبت انا غير لا هو ما يبادر
واذا طلبت يرفضني
واذا نمت يتفرج في اليوتيوب على مقاطع رقص وبعدها يصحيني من النوم ويمارس حقه واقسم بالله نفسي اقتله على هادي الحركه
كداااااااااااااااااب مره كداب
يكدب عشان لا يحس بتانيب الضمير
ما يمشيني كل مره يوعدني نطلع نتمشى وياخدني لين مكان التمشيه ويقول زحمه نجي الاسبوع الجاي ويرجعني البيت
وربي طفشني لا يخلني اروح مع اهلي اخطط معاهم يقولي لا انا اطلعك وما يطلعني بالسياره يلف بي البحر وما يرضى يشتري لي اشياء اكلها ما عدا الايسكريم ابو ريال
على هدا الحال بس يدور اعذار
عشان ما يخرجني خميس وجمعه في البيت بس وطول الاسبوع في البيت اقعد اطبخ واكوي ملابس الشيخ
واذا جاء وقت الطلعه يجلس يتعذر تعبان ونفسي انام ويعشمني واتزبط وما ياخدني مكان يروح لين شارع التحليه ويغير رايه ويرجعني البيت
ويجلس يطلب رايي فين تبغي تروحي واذا اخترت مكان يقولي زحمه او طفش او يبغاله ترتيب من بدري او او او اي شي
واخرتها
وعدني بطقم ذهب عشان تخرجي لي الان 7 شهور متخرجه وما اشترالي
واستلم بونص وجاني قالي لكي الفين تشتري بها ذهب قبل اسبوعين
وكل ما نطلع مشوار يسالني فين تبغينا نروح
اقوله نروح سوق الذهب نشتري يقولي ما اعرف محلات الذهب
اقوله انا اعرف يقولي انتي امس قلتي انك ما تعرفي
وانا اصلا ما قلت
ويجلس يكدب لين يطلع نفسه
وغير كدا ما يجلس معايا نهائيا يطلع لوامه 9 ويرجع 6 ياكل وبعدها ما اشوفه الا 1 الليل
ينام
او يجي ويقولي كبسي لي تعبان
وشخصيته ضعيفه عند اهلو مرررررره
استغفرالله طفشني
مره
وما يهتم بالصلاه اقول صليت يقول ايوة وهو ما صلى
وما نعني من صحباتي ما اروح لاحد ما نعني من الوظائف كل الوظائف عندو اختلاط
وانا بصراحه طفشت منو
وابغى اتطلق وسبق وكلمتو عن الاشياء دي من اول بس ما يفهم ويجلس يكدب ويطلع نفسو
واهلي الحمدلله مرحبين فيا وامي قالت لي اذا بترجعي ارجعي تعيشي عندي مبسوطه ولا اشوفك مهمومه
واخواني الحمدلله متفاهمين جدا
وماعندي اي مشاكل
اليوم حكلمو نتطلق بدون مضاربات وخصام
ايش رايكم
الموضوع مغلق