صديقتي تطلقت وظاعت حقوقها

السلام عليكم يابنات والله مقهوره على حال صديقتي الله يوفقها اللي تساعدها برايها صديقتي هذي عاشت كل حياتها مطلقه الا تقريبا 3 سنوات سنتين مع الاول وسنه او اقل مع اللي تزوجته اخر واحد اللي المشكله فيه وعمرها 33 الحين عندها اطفال واحد من الاول وواحد من الثاني عمره شهور هي تزوجت الثاني بعد طلاق تقريبا 10 سنوات مايجيها الا متزوج والا فيه بلا والا اللي يخطب وماعاد يرجع الين ماجاها هذا الاخير متزوج للاسف ورفضته لهالسبب ورجعلها بعد الرفض بفتره وقال اللي تبونه مستعد فيه طبعا هي تبي واحد يوديها ويجيبها ويكون الاب الطيب لولدها من الاول غير كذا وحيده ومالها سند لاوظيفه ولادراسه معزوله وافقت وهي متردده وكارهه احيانا تقول خلاص مابيه وابوها يقول لو ترفضينه محد بيجيك خلاص كبرتي ومحد بيخطبك وهذا احسن من غيره بعد الموافقه تزوجت الا وتقول لي من اول يوم يملي علي شروطه ووش يبي ووش مايبي وضح لها انه انسان عنيد وشخصيته عصبيه وشديده وغير متفاهم ابد وبيته الاول اهم من اي شي عنده مايهها هذا كله مثل ماقلت ظروفها غصبتها الشكوى لله المهم مر اسبوعين فقط الا ويجي لها في يومها وتطلب منه مشوار رفض قال مو وقته واذا مو عاجبك روحي لبيت اهلك هي انهبلت شلون توها معه ويقولها هالكلام قالت باروح قم ودني اخذها لبيت اهلها انحرجت منهم وصار الكلام عليها مطلقه مرتين وبعد توها عروس اتصلت عليه بعد فتره تقوله رجعني قال وين ارجعك ماعاد لك بيت خلاص سلمته والاثاث تصرفت فيه قالت رجعني واصبر عليك الين ماتاخذ بيت غيره قال طيب بس ارجعك مسيار الين مااستاجر وافقت على كلامه راحت الشهور وخلالها كل ماجابت طاري البيت قال مافيه والا مااقدر والا تبين والا اطلقك يعني بايعها قالت طلقني وطلقها الحين المشكله هي مقهوره لانها حست هالزيجه صارت زيادة معاناه والم نفسي لها وكلام الناس مايرحم وشرطها انها تبي بيت خاص في العقد مامشى عليها شلون تاخذ حقها بعد الطلاق وهل لها حق تطالب في حقوقها المشكله تطلقت وانتهت عدتها بس طلعت من الزواج ولاشي ماستفادت لازوج مثل الاوادم ولا حقوق وش السواة الحين والله حالها يضيق الصدر الله يكون بعون كل مطلقه انتظر اراء الحكيمات فقط