باقي لي ستة ايام واخلص التاس والرحم مسكر

السلام عليكم
بنات انا من دخلت الشهر التاسع وانا احس بمغص ووجع ومرتين ثلاث جاني طلق بارد خفيف مو منتظم ومرة نزل علي ماي ورحت المستشفى قالوا لي مو ماي البيبي الحمد لله لانه كنت توني دخلت التاسع .. الحين باقي لي ستة ايام واخلص شهري ومن يجي الليل الم الظهر لا يحتمل ونغزات في المبايض ومغص مثل الدورة بس يطلع الصبح يصير كأنه كذب ماكو شي او يكون خفيف ..
البيبي رأسه تحت الحمد لله وصرت احس نفسي اخف معدتي نزلت بس حركة الجنين خفت وهذا اللي يخليني اوسوس ادري انه طبيعي بس قلبي يقرصني مااعرف ابي اتطمن انه مافيه شي اخاف خصوصا اني مريت بتجربة اجهاض فكل حلمي احمل بنتي بين ايديني ..

شسوي الرحم للحين مقفل واخاف اعدي التاسع لانه ما احس اني بولد قريب ما عندي علامات ولادة غيرالللي ذكرتها

اجرب اشرب منقوع الزعتر حاملة الكوب بين ايدي وخايفة اشربه اخاف يجيب لي طلق ومايفتح الرحم اخاف من هالشغلات ومع اني اكل تمر ع طول وشغل البيت اسويه واكرف اقول عشان حتى لو ما مشيت اكون اتحرك عشان تتيسر ولادتي ..

اشرب منقوع الزعتر او انتظر موعدي واتوكل على الله

اخاف اعوشر

12 تعليق 18,726 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_aazozy_alshmry

    لا ياقلبي لاتستعجلللين باقي لك ٦ ايام انتظري بس نصيحه خلك ع الجمااااع والمشييي و****للله بتولدين قبل تخلصين هالسته ايام
  2. يختي الله يسهل لك


    اصبري وامشي وكلي رطب ما انصحك بشرب شي


    ممكن تدهني بطنك بزيت دافي وتقري عليه


    وحده مره نصحتني باوراد الولاده تقريها على مويه زمزم وتمسحي بطنك وتشربيه

    تقول سوتها باخر الليل والفجر جاها الطلق

    وعلمت وحده ثانيه عليها نفس الشي ما طولت شغلة كم ساعه

    وانتبهي اذا معاك امساك سمعت انو ياخر الولاده

    عالجيه بالمويه وكثيري اكل برتقال
  3. @am_frh_2012_1

    لاتستعجلي ياختي انا كمان وسوست بحمل بنتي وكنت دايم اسوي تخطيط لقلبها لان حركتها قليلة
    وكانوا يقولوا الالام وافجعوني اني من التاسع وانا انتظر هالالام بس كانت خفيفة جدا وعلى فترات متباعدة بس خلصت التاسع لي ثلاث ايام وولدت
    ببنوتتي بس حاولي تمشي والجماع كويس هالفترة والاستحمام ماء دافي

    والله يفرح قلبك بشوفت بننوتتك
  4. طبيعي حبيبتي عند ما يحين موعد الولادة ينفتح الرحم مو من الحين أنا في بنتي خلصت التاسع لآخر يوم و بدا الوجع و رحت المستشفى و لسا الرحم مسكر و بدا ينفتح بشوي وولدت الحمد لله بالسلامة لا تستعجلين أدكري الله و إسمعي القرآن كثير يطمنك و يريحك . ربي يقومك بالسلامة

تابعي تجارب أخرى من هذا القسم.