شاركي في النقاش

سجلي الدخول لإضافة تعليق.

التعليقات

12
  1. @ghsn_15

    خليك دايم بشوشة ودودة
    اذا قمتي الصبح سلمي زين على خالتك وعمك
    احسن شي تسمعين اكثر ماتتكلمين ,,,,,لانك لسى ماعرفتي طبعهم زين
    خوذي معك ملابس حلوة من تيورات وجلابيات واطلعي لهم دايم ونتي مرتبه
    لاتتدخلين بمشاكلهم
    انتي شكلك زيي تستحين من الاكل ...خوذي معك اكلات وشيبسات تاكلينها انتي وزوجك ههههه
    لاتكرفين زي الشغالة ولا تحطين رجل على رجل كنك عروس امس متزوجه
    خليك زيهم اذا هم مايشتغلون لاتشتغلين وهم جالسين
    اهم شي غرفتك وحمامك يكونون نظاف لانهم يعكسون شخصيتك
    فاجايهم بطبخات وحركات
    ومرة حلى زي كذا
    ويارب تكون رحلتكم سعيدة
  2. @fofyta

    اقول لك شي اذا بناتهم ما يشتغلون وهم في عمرك ..

    خلي شغلك خفييف .. يعني مساعده اما لو كانو اصغر ما عليهم شرهه

    وانتي خليك على طبيعتك
  3. ماادري احس تكوني على طبيعتك احسن وحلو لوتشاركينهم بالشغل وتساعديهم
    انا فية وحدة من حريم اخواني ماشاء الله عليها خدوووووووووومة مرة وذربة على قولتهم
    وفعلا احس كل اقاربنا يحبونها ولها مكانة عندنا خاصة..
  4. الله يوفقك حبيبتي ويرزقك الذرية الصالحة قولي امين

    اولا وقبل كل شي (( طنشي)) انتي مو متعودة عليهم ما عشتي معاهم فاحتمال تكونين محور الحديث او الجلسة انتي وزوجك ( ويمكن حتى موضوع الحمل والاولاد) ممكن تكونون محور الحديث للفترة الاولى على الاقل .. لا تصيرين حساسة و طنشي ولا تردين بغير ابتسامة وكلمة ان شاء الله والله كريم
    احسن حمولة في الدنيا لازم يصير بينك وبينهم احتكاك فطولي بالك ولا يصير قلبك اسود وهم لا تصيرين طيبة اكثر من اللزوم

    انا حبيت اعلق على شغلة احسها وايد مهمة .. اذا حمولتك يقعدون خلط ( يعني حريم ورجال مع بعض)
    خليك في غاية الحياء وخصوصا ان هذا اصلا طبعك ولو كان مو طبعك كنت قلتلك تصنعي
    احيانا الوحدة من كثر الحيا تحاول تظهر انها جريئة مدري ليش! لا تضحكين صارت معاي!
    وبالنسبة للشغل اوصيك بالمقابل .. ما اعرف شنو تسمونه عندكم بس اقصد اذا صار وقت الشاي او وقت الغدا قومي وشيلي وحطي .. بس بصراحة ما يصير بناتهم قاعدين وانتي تغسلين صحون في المطبخ او تكنسين الارض! ووصية ثانية ملابسك وشراشفك تغسلينها بنفسك حتى لو بايدك وتنشفينها في الحمام او وديها المصبغة ( لاندري) بس لحد يدري عنك خخخ يقوقلن هذي تخسر ولدنا

    وااااااااي احس ثقلت عليكم وصرت كاني وحدة دمها ثقيل ! بس والله قصدي الافادة

    سلالالالالالالالالالالالام
  5. @aldnya_rbyaa

    شوفي أختي أحنا كلنا ما نقدر نحكم اشلون تتصرفين لأنا ما نعرفهم أنت شوفي الوضع وعلى عالأساس تصرفي بس أهم شئ لسانك لسانك أكررها هو حصانك اما الشغل يجي بعدين ومع الوقت راح تعرفين طبعهم وظروفهم والله يعدي الشهر على خير

تابعي تجارب أخرى من هذا القسم.