شاركي في النقاش

سجلي الدخول لإضافة تعليق.

التعليقات

166
  1. رجعت لك

    بالنسبة لأرضية الصالون اختاري نوع سهل التنظيف مثل السيراميك أو غيره من الانواع

    أما بالنسبة للخدمات فأتمنى أنها اتكون راقية جدا .... وأتمنى أنك تنتبهين لموضوع النظافة وايد

    هذا غير أنك اتحددي الأسعار من الحينة ....( يعني مب بعدين لما يكثروا الزباين اتزيدي الاسعار)

    وياليت لو اتكون الاسعار في حدود المعقول ....

    واهتمي بالريحة الزينة للصالون .... لانها اتخلي الزبونه ترتاح للمكان

    هذا إللي عندي الحينة

    واذا في شي غير اتذكرته برجع لك ان شاء الله


    وبالتوفيق ان شاء الله

    تحياتي لكم
    حورية
  2. @shok_othok

    مبروك عليج يا أم علوه الصالون اليديد. .
    وفرحت بكلامج أنج ما تبني غير الرزق الحلال. .

    وطبعا انا ما يحتاي أرمس في الخدمات لأنج تكلمتي واختصرتيها تبين الربح الحلال
    والخوات وضحهن. .
    أكره ما عندي يوم أشوف العاملات يدوخن زجاير. . (سجاير)
    ومرات يلبس شورت وفانيله علاق خخخخخخ (صدق بدو ) أقصد يعني بادي ويديهن برع. . وصدرهن وظهرهن, , خصه لو كانن غير مسلمات. . .
    ===
    حلو لو حطيتي القرآن يقرا. . عندنا المدرسات يتناعتن بالصالونات الي ما فيها موسيقى ولا محرمات. .
    الحمد لله بدت عندنا الصحوه. . والله يثبت. .
    ===
    وكل ما كانت الأسعار معقوله كل ما كانت أحسن وربحج كله بركه. .
    ===
    وطبعا النقاش عن الصوالين بشكل عااااااااام مب صالون أم علوه وبس
  3. @bnt_alshykh_2

    صاحبة الموضوع
    شوق وذوق
    مبروك عليج يا أم علوه الصالون اليديد. . وفرحت بكلامج أنج ما تبني غير الرزق الحلال. . وطبعا انا ما يحتاي أرمس في الخدمات لأنج تكلمتي واختصرتيها تبين الربح الحلال والخوات وضحهن. . أكره ما عندي يوم أشوف العاملات يدوخن زجاير. . (سجاير) ومر…
    ماشالله ماشالله تبارك الله ...

    من ناحية الديكور ... بصراحة مرة دخلت صالون من صوالين العين ... وواحد من دبي ..

    يعني من اول مادخلت ريحت اعصابي الالوان للصالون .. واكثر شي .. التشجير والمناظر الكبيرة ,,,,

    من ناحية الصوتيات ... من الممكن ان الاناشيد الخالية من المؤثرات الصوتيه تنحط دايما ... ومش اي اناشيد ... يعني مختارات من الاناشيد الحلوه اللي تشد الرايدات لاستماعها ...

    لي عودة مع المنكرات....



    بنات حبيباتي ... ياليت اقتراحاتكم او اي نقاط مهمه غير الشرح تكون مرقمه او مضلله بلون مخالف .. لسهوله الرجوع الى المعلومات

    السموحة اذا ثقلت عليكم
  4. @bnt_alshykh_2

    صاحبة الموضوع
    أم ميرة
    السلام عليكم شحالج حبيبتي خشمج :) انا الصراحه احب النقاش <<< ياويلكم مني :22: مشروع الصالون مشروع حلو بس فيه كثير من التعب في مسائل التحري الحلال من الحرام ويبغي مجهود كبير في ذلك والاجر ليس ببعيد لمن يتحر الامر في ذلك أجر الاجتها…

    صدقتي يام ميرة ... مثل ماقلتي اجر المجتهد واجر الصائب ...!!


    ونقطة الصور -صور الممثلات والصور بشكل عام- بصراحة وايد مهمه ... اعتقد ان الصالون مايحتاي يحط صور كبر اليدار والواحد مايعرف وين يجبل من كثرهن !!
    اعتقد انه الصالون يمتلك كاتولجات مثل المرجع للمكياج للزبونات


    مكان الصلاة بعد مهم وايد .. الله يوسع عليها يارب وتحصل مكان وسيع في خصوصيه للمصليات ... في بعض الصالونات فيها غرف خاصة للمكياج تكون فيها خصوصيه يوم نصلي فيها ... بس هذا في حالة ان المكان ضيق جدا ...

    والله يام ميرة مرات نصلي في نص حشرتهن هذيلا راعيات الصالون .. والله تقول مستمنات علينا مكان الصلاة والسيادة ... يعني بيتكرمن عليج لو بندن الفلم الهندي ... بس ثرثتهن ماتخلص .. وهذا كله احسه من قلة معرفتهم بالتعامل الراقي ... يعني فيه فلبينيات عشاقات لاغاني بلادهن .. لكنهن ذوق في التعامل .. يعني اذا تبين تصلين ... كل شي بيسكتونه وهن بعد بيسكتن بس عشان تصلين على راحتج .. واحيانا اذا انتي ماتسمعين اغاني وطلبتي منهن بادب يقصرن بيقصرن ., المهم رضى الزبونه .. وهذا اهم شي لازم يتوافر في الصوالين ...
    الله يسامح بعض الصوالين اللي الفلم الهندي يكون شريان الحياة هناك ... يعني تحصلين الفلم الهندي يطرب فوق راسج وانتي شو تسوين .. ماتبين تسمعين بس الصالون صالونهن ... !! واذا طلبتي منهن يقصرن ينتفخن .. لانهن يستنن الفلم الهندي من زمان !!!


    ام ميرة ... صدقج يا اناشيد يحطون يا اذاعة قرانيه .... الصوتيات والمرئيات اللي في الصوالين لازم تكون خالية من كل المؤثرات صوتيه .. يعني الاناشيد لازم تكون صافيه .. وبعد هادية وتناسب الموقف ... المرئيات لازم تخلى من قنوات هابطة ونازله ومامنها نفع ... اصلا الزبونات بيتلاقفن الريموت كنترول عشان يشوفن القناة اللي يبنها ... خلي هالامر حاسم ...
    يعني تحط قناة قرانيه -بس ماشجع ان القران ينحط ... خصة في الزحمه يعني اذا وحدة ولا هنتين عادي .. بس مجموعة ماظني تسمع شو رايكم ؟؟؟- المهم تقدر بعد تعرض برامج قرانيه ... او تثقف في علوم القران ... يالله شحلاتها قناة العفاسي يوم تنحط في الاماكن العامة ... فيها منوعات حلوه تستحق ان الواحد يشوفها ... من الممكن بعد تحط بعد قنوات المجد ولا الراي ولا اي قنوات تعرض برامج هادفة في اوقات معينه من اليوم ...

    بس شو رايكم بنات يوم الفلبينيات ولا الهنديات يبن يحسن انهن في بيتهن ... يعني يبن يحطن اغاني ولا يشوفن اللي يبنه .... شو الراي فيهن !!!


    فكرة البروشورات والكتيبات اكيييييييييييييييييييد مهمه يام ميرة .... وبلاهن المجلات اللي ماتتشاهد ... لاتقوليلي زهرة الخليج ولا كل الاسرة ولا فواصل ... لا هذي كلها ماتخلا من الصور والممثلين واخبار الفنانين ... خلوا الصالون واحة من الروحانيه ... حلاته ايلس على الكرسي واشوف عدال مجلة الاسرة ولا تحت العشرين .. ولا مجلة الابعاد الخفيه ,,,, ياسلام ... شو هالثقافة هذي واي استغلال للوقت بيكون هناك ....

    ام ميرة .. صدقج مش صعب ان راعية الصالون تسن القوانين في صالونها ... وصدق اللي اوله شرط اخره نور ... وشوفي كيف سمعة الصالون بتشطح .. اصلا شو يبا الواحد غير التعامل الحسن ...!!
  5. @bnt_alshykh_2

    صاحبة الموضوع
    حــــوريــــة
    الله ايسر الأمور ان شاء الله ونسمع قريب عن افتتاح الصالون بس عندي بعض الملاحظات إللي أتمنى أن تتقبلهم الأخت أم علوه بصدر رحب أولا:أن تختار موقع مناسب جدا للصابون .... في مكان بعيد عن الزحمة .... وفي مكان أمان ومريح لان على سبيل المثال ف…
    المكان مهم بصراحة .... يعني حرام يكون صالون سمعته طيبة بعيد او في الزحمه ...
    الله يوفجها يارب وتحصل شقة في فلة اجار .. لان الفلل روعة... تكون معتزلة وبعيده عن الزحمه ..!!!


    عن الديكور والله مانعرف شو ترتيب ام علوه في هالموضوع ... اذا تبا اقتراحات ترا البنات يعرفن وايد في هالمجال ... وانا بعد اقدر ادليها على مصمم حلو !!!


    اشهر شي في الصوالين النمص ومثل هالاشيا ... بس المشكلة ان فيه اشياء ادق عنهم ومانفهم اذا هيه حرام ولا حلال ... بس نسويها ....
    هذا اللي ابا اعرفه .. ياليت حد من الغاليات يفيدنا


    تسلمين ياحياتي على ابداء رأيج ... الله يخليلج عيالج يارب :)



    بنات تقدرون تذكرون مواقف واحداث حصلت لكم وخلتكم تنزعجون منها .. وتحلفون ماطبون المحل مرة ثانية .... او غيرها من المواقف الحلوة ولا الشيييييينه!!!

    ذكروها يزاكم الله خير


    :26: :26:

تابعي تجارب أخرى من هذا القسم.