الموضوع مغلق

مبتلاه بذنب عجزت أتوب عنه .. :( تكفون ساعدوني/ استوفى

السلام عليكم ورحمة الله وبركاته

بنات بعيد عن التجريح وأسلوب الهمجية ، أبي نصايحكم لي

أنا إنسانة مبتلاه بهواية الرقص ، من يوم بلغت وأنا أرقص صار لي 8 سنوات أرقص ويوميا
سواءا كنت قدام المرايا ولا لا

وأهلي في البيت يتريقوا علي يقولوا لي يالرقاصة :unhappy:
وأبوي يقول لي إنتي زي المجنون اللي أول مرة يشوف ظله :eek:

أقسم بالله العظيم إني كذا مرة حاولت أترك هالشيء بس ما قدرت
أذكر مرة أخذت من خالي أشرطة أغاني زمان أيام المسجل بالسيارة مو اللحين dvd المهم وجتني حالة التزام
وأمسك أشرطته اللي كانت تقريبا 40 شريط وأمسكهم وارميهم كلهم بعد ما كسرتهم وطبعا خالي لما عرف زعل مني
بس ما طولت فترة التزامي ظليت يمكن شهر بالكثير وراه رجعت حليمة لعادتها القديمة ورحت طلبت منه أشرطة ثاني ، قال لي تحلمين ، أخاف تجيك حالة التزام وترميهم :biggrin2:
وقلت لا عطني بس ما عليك << أحسني بهالحالة مدمنة مخدرات أعوذ بالله
وسمع كلامي وعطاني وبعد فترة مسكتهم ورميتهم :smile:

وهلم ما جرى
المهم عقبها حرم يعطيني شيء

وأخوي زمان كنت اشحذه جواله عشان ارقص على الأغاني اللي فيه قبل ما يدخل النت بيتنا ، وبالعافية يعطيني

وأبوي أذكر مرة دخل علي وأنا مدري كتنت أرقص ومعطية الباب ظهري وهو وراي واقف يتفرج :eek: ، يو شفته بغيت أموت ، أذكر ياما طقني وياما كسر أشرطتي وياما أخذ المسجل عني وأنا من الإدمان أعوذ بالله ما يثمر فيني معروف
أجيب بداله مسجل والشريط أسوي منه نسخ وحالتي حالة
لدرجة مرة سكننا ببيت جديد وما عندي مفتاح بغرفتي وطلبت من أمي وأبوي مفتاح للغرفة ، وكلهم قاموا علي قالوا : عشان تقفلي الباب على نفسك وترقصي
(هم كلهم ضدي لأني من عائلة محافظة جدا جدا جدا) واللي أسويه شيء شاذ خاصة إن ما فيه أحد من قريباتي ولا معارفي يسوون هالشيء

ساعدوني أقسم بالله مانزلت هالموضوع تريقه ولا نزلته عشان تجرحوا فيني أنا تعبت والله تعبت أبي أترك الرقص مو قادرة

أنا الحمدلله نفسي لوامة بعد ما أرقص أندم وتتعب نفسيتي بس لاجيت بتركه ما أقدر
حاولت أرقص على دفوف على دقاقات بدون موسيقى حتى على أناشيد طيور الجنة وكراميش تصوروا أرقص عليها أحيانا كل هذا عشان ما أسمع أغاني حب ولو إن حرمتها وحده

هذا ذنبي الوحيد اللي كل ما تبت منه رجعت له
ساعدوني أنا داخله على الله ثم عليكم أبي أتوووب

أدري إن الأغاني حرام وتموت القلب بس يكون لعلمكم أنا مو من النوع اللي تسمع أغاني عشان تعيش جوها لا أنا من النوع اللي تسمع أغاني عشان ترقص

يعني لو تخلصت من الرقص بتخلص من الأغاني وبكون في الطريق السليم بإذن الله

للمرة الأخيرة / اللي بتجرح فيني ولا بتهاجمني بردها اللي يدل على أسلوبها القذر ماراح اسامحها وبتكون خصمتي يوم القيامة :(

80 تعليق 10,821 مشاهدة

شاركي في النقاش

سجلي الدخول لإضافة تعليق.

التعليقات

78
  1. الله يهدينا جميعا
    عليك اختي بالاستغفار بشكل متواصل يعني كل مارقصتي كل ماستغفرتي ولاتيأسي من رحمة الله واحيي فيك قلبك الحي احياه الله في طاعته
    عليك بالحمد والتسبيح بشكل متواصل
    اختي تدرجي بترك الاغاني واتبعي اسلوب الاحلال يعني كل ماسمعتي اغنيه او كل مارقصتي استغفر اكثر وهكذا
  2. @mdthd

    صاحبة الموضوع
    sunsetsunset
    الله يهدينا جميعا عليك اختي بالاستغفار بشكل متواصل يعني كل مارقصتي كل ماستغفرتي ولاتيأسي من رحمة الله واحيي فيك قلبك الحي احياه الله في طاعته عليك بالحمد والتسبيح بشكل متواصل اختي تدرجي بترك الاغاني واتبعي اسلوب الاحلال يعني كل ماسمعتي …
    هلا أختي ..

    الله يجزاك خير يارب وينور بصيرتك

    أنا اتبعت هالأسلوب ولا زلت عليه كل بعد ما أرقص استغفر وأتوب لله ، وأقول سبحان الله وبحمده 100 مرة حتى تغفر ذنوبي ولو كانت مثل زبد البحر
    لكن أنا مو ظامنه عمري كل بعد ما رقصت الله أعلم يمديني اسبح واستغفر ولا أموت وأنا ما بعد تبت لربي

    أبي حل جذري يكرهني بالرقص ، ويخليني أثبت ، أنا هذا هو الذنب الوحيد اللي ما قدرت أتركه ، لدرجة إن أهلي صاروا يتريقوا علي لو عرفوا إني في حالة التزام يقولوا لي ما بتطولي :humm:
  3. @dhk_alm

    اختي كل مارقصتي استغفري كثير وراح تتخلصي من هذا الشي وكمان حاولي كل ماترقصي اتوضي وصلي ركعتين لله
    سجلي بدور تحفيظ صدقيني راح تتغيري وتتركي الاغاني والرقص 
    اشغلي وقتك بذكر الله...
    ان شاءالله اكون افدتك ..
    دعوااتك ربي ييسر امري
  4. @ksh_sbr

    افتحي اليوتيوب

    واكتبي ادريس ابكر

    حطي السماعتات باذنك وغمضي عيونك وحركي قلبك

    وشوفي النتيجه

تابعي تجارب أخرى من هذا القسم.