السلام عليكم ورحمة الله وبركاته
بنات بعيد عن التجريح وأسلوب الهمجية ، أبي نصايحكم لي
أنا إنسانة مبتلاه بهواية الرقص ، من يوم بلغت وأنا أرقص صار لي 8 سنوات أرقص ويوميا
سواءا كنت قدام المرايا ولا لا
وأهلي في البيت يتريقوا علي يقولوا لي يالرقاصة :unhappy:
وأبوي يقول لي إنتي زي المجنون اللي أول مرة يشوف ظله :eek:
أقسم بالله العظيم إني كذا مرة حاولت أترك هالشيء بس ما قدرت
أذكر مرة أخذت من خالي أشرطة أغاني زمان أيام المسجل بالسيارة مو اللحين dvd المهم وجتني حالة التزام
وأمسك أشرطته اللي كانت تقريبا 40 شريط وأمسكهم وارميهم كلهم بعد ما كسرتهم وطبعا خالي لما عرف زعل مني
بس ما طولت فترة التزامي ظليت يمكن شهر بالكثير وراه رجعت حليمة لعادتها القديمة ورحت طلبت منه أشرطة ثاني ، قال لي تحلمين ، أخاف تجيك حالة التزام وترميهم :biggrin2:
وقلت لا عطني بس ما عليك << أحسني بهالحالة مدمنة مخدرات أعوذ بالله
وسمع كلامي وعطاني وبعد فترة مسكتهم ورميتهم :smile:
وهلم ما جرى
المهم عقبها حرم يعطيني شيء
وأخوي زمان كنت اشحذه جواله عشان ارقص على الأغاني اللي فيه قبل ما يدخل النت بيتنا ، وبالعافية يعطيني
وأبوي أذكر مرة دخل علي وأنا مدري كتنت أرقص ومعطية الباب ظهري وهو وراي واقف يتفرج :eek: ، يو شفته بغيت أموت ، أذكر ياما طقني وياما كسر أشرطتي وياما أخذ المسجل عني وأنا من الإدمان أعوذ بالله ما يثمر فيني معروف
أجيب بداله مسجل والشريط أسوي منه نسخ وحالتي حالة
لدرجة مرة سكننا ببيت جديد وما عندي مفتاح بغرفتي وطلبت من أمي وأبوي مفتاح للغرفة ، وكلهم قاموا علي قالوا : عشان تقفلي الباب على نفسك وترقصي
(هم كلهم ضدي لأني من عائلة محافظة جدا جدا جدا) واللي أسويه شيء شاذ خاصة إن ما فيه أحد من قريباتي ولا معارفي يسوون هالشيء
ساعدوني أقسم بالله مانزلت هالموضوع تريقه ولا نزلته عشان تجرحوا فيني أنا تعبت والله تعبت أبي أترك الرقص مو قادرة
أنا الحمدلله نفسي لوامة بعد ما أرقص أندم وتتعب نفسيتي بس لاجيت بتركه ما أقدر
حاولت أرقص على دفوف على دقاقات بدون موسيقى حتى على أناشيد طيور الجنة وكراميش تصوروا أرقص عليها أحيانا كل هذا عشان ما أسمع أغاني حب ولو إن حرمتها وحده
هذا ذنبي الوحيد اللي كل ما تبت منه رجعت له
ساعدوني أنا داخله على الله ثم عليكم أبي أتوووب
أدري إن الأغاني حرام وتموت القلب بس يكون لعلمكم أنا مو من النوع اللي تسمع أغاني عشان تعيش جوها لا أنا من النوع اللي تسمع أغاني عشان ترقص
يعني لو تخلصت من الرقص بتخلص من الأغاني وبكون في الطريق السليم بإذن الله
للمرة الأخيرة / اللي بتجرح فيني ولا بتهاجمني بردها اللي يدل على أسلوبها القذر ماراح اسامحها وبتكون خصمتي يوم القيامة :(
الموضوع مغلق