شوفي اختي
انتي اذا فعلا مظلومة فالله ينصرك ... لكن من شرحك للأحداث ما بتنطبق عليكي كلمة مظلومة
راجعي موضوعك ... اول موضوع بخصوص سلفتك صراحة تفاعلت معك ما أتوقع اني رديت بس تعاطفت
بس الآن ... موضوعك أعطا للكل فكرة متل عين الشمس انك انتي كمان مو قليلة .. والمشكلة بتتحملوها انتو التنتين مناصفة بينك وبين سلفتك لو هي بنظرك غلطانة فيكي انا شايفة انك انتي كمان غلطانة جداً .. أولا عم تنقلي لزوجك كل ورادة وشاردة
تانيا ... ما بعرف شو الصدفة الغريبة اللي خلتك تسمعي كلامها هي وزوجها بكل وضوح و انتي عقولك تحت و هم فوق ؟؟؟؟؟ إلا لو كانو يتحاورون بمكبرات الصوت !!!!!!!
تالتا الواتساب ... ههههه بتصدقي ذكرتيني بسلفتي ... بس انا كنت عاقلة وما جبت لنفسي الكلام .. كل اللي عملته لفتت انتباه ام زوجي لكلام كتبته سلفتي بصفحتها ... و ام زوجي و إخوانه ما قصرو مسحو بسلفتي الأرض مسح .... و لاني ماني تبع مشاكل متلا حظرتها بشكل نهائي و لو تعرفي شو عملت عشان تفوت صفحتي انا وزوجي وتعرف إخباري ... تجسس عن طريق حساب ام زوجي ههههههه شفتي الفرق بين المشكلجيات الشرانيات وبين اللي بدهم حياة هادية ..
بدل كتر الكلام وكيلها لله .. نامي مظلومة ولا تنامي ظالمة ايش بدك لقالت وقال و ما بعرف شو
ورابع شي وصفتي اخت زوجك كلبة .... هاي الكلمة لحالها كافية للشر يحاوطك من كل اهل زوجك ومنه شخصيا ....
لا تزعلي مني بس راجعي تصرفاتك ولا تلاحقي على الدعسة
ايش أحسن بنظرك تقاتلي وتخانقي وتعادي وتتضاربي و تخربي شكلك وصيتك وشكل تربية اهلك لك بينهم و لا تسلمي الحكم و الامر للعظيم الجبار المنتقم اللي بيده كل الأمر ؟؟؟؟
اخت زوجي وسلفتي لحسو مخ زوجي/تم
متابعة النقاش، صفحة 3