مواقف لقافه حصلت لك وضايقتك مرره

عندنا وعندك خير نفس بنت عمتي بالضبط
ونفس عمرها ،،،

بنت عمتي مثلا لما اكون بحفلة او عزيمة وتكون امها
ماحضرت ، اليوم الثاني اكلم عمتي اسولف معاها
القا تفاصيلي ولبسي واناقتي ومكياجي وكلامي
وسوالفي وضحكاتي وابتساماتي ونظراتي ووووو... كل شي .
عند عمتي بالتفصيل !!!

ماشاءالله عليها تنتبة وتركز لأقل الأشياء ....

اكثر موقف لقافه مر علي وحده من زميلاتي انا وياها ولدنا بنفس الشهر وجبنا بنوتات وتغيب عني بالشهر وشهرين وثلاثه وفجاه ترسلي بالواتس بدون اي مقدمات مها تكفين ارسليلي صور لبنتك انا فيسي كذا ��
طيب سلمي اسالي عن الحال ومجرد مارسلها تطلع من الواتس طبعا هالكلام تقريبا كل شهرين ثلاثه فاحيانا اقولها ماعندي صور اخواتي اللي يصوروها تقولي خلاص قوليلهم يرسلونلك وارسليها ونفس الشي مجرد مارسل تطلع يرتفع ضغطي وصرت اطنشها والله اخر مره تقريبا قبل اسبوعين ع فكره احنا كل وحده بمدينه ومانتقابل

انا عن نفسي دايما لما يجوا أهل زوجي عندي تدخل أخته الصغيرة وعمرها 10 سنوات على غرفة النوم وتفتش في الادراج عيني عينك وحتى لاب توب زوجي تفتش فيه وفي الصور وأنا بصراحة اطردها برا غرفتي وكمان اقولها بطلي تفتشي في لاب توب اخوكي وبطلي لقافة وربي من حركاتها نفسي خلاص لاعت قسم بالله ماتستحي تصدقون والله حتى أمور الكبار وبلاويهم تتكلم عنها انا بجن منها لاحول ولاقوة الابالله

يمه صدق ملقوووفه

انا مره كنت بالنادي والعب على الدراجه واسولف بالواتس الا جنبي وحده سحبت مني جوالي ( نوعه جالكسي اس 3 وفيه ميزه تدوير الشاشه ) وراحت لزر تدوير الشاشه وسوت ايقاف وتقول انا ما احب الشاشه لما تتقلب طبعا انا صرت كذا :surprised ما عرفت ايش ارد مع اني بالعاده لساني وش طووووله بس سحبت منها جوالي وقلت لها هذا جوالي وانا احب ميزه تدوير الشاشه مو مهم انتي ايش تحبين ( شكلها شافتني اسولف معها فاعتبرت انها خلاص تمووووون ) المهم اليوم اللي بعده قاعده تلعب في جوالها جالكسي تاب سحبت جوالها وشغلت خدمه تدوير الشاشه وقلت انا احبها قامت سحبت جوالها وتنرفزت علي وقالت اني ملقوفه وهذي خصوصياتها المهم قلت انقهرتي وما شفتي نفسك امس انا ما احب اتدخل بخصوصيات الناس بس حبيت اعلمك ان اللي سويتيه يرفع الضغط عاد قامت تضحك ومشت السالفه بس ليومكم اخاف اطلع قدامها جوالي هههههههه