آه تعبت من زوجي المريض

ااااااااااه انا تعبت من زوجي تعبت مرررره صرت اكرهه العيشه معاه كل يوم لازم يهينني وكل يوم اازم يجرحني مره يقول انتي مو انثى ومره يقول انتي مقصره ومره يقول حراام عليك خليني اتزوج حتى لو تزينت وتعطرت وخدمت واعطيت وضحكت مافي فايده يقول خلاص ماعاد ينفع طبعا هو صار يكرهني كره مو طبيعي يصحى من النوم وهمه الوحيد انه ينتقدني في كل شي مافي شي يعجبه فيني مرررره انا معلمه وبناتي الل ادرسهم الثانوي ينهبلون عليه لاني ولله الحمد دائما طالباتي يتعلقون فيني اهتم بجميع جوانبي وصرت اجذب الطالبات بشكل ملفت بعكس باقي المعلمات هذا ان دل على شي يدل على جاذبيتي ورقيي واهتمامي بمن حولي وطيبة قلبي واخلاصي بس للاسف زوجي ابدا مايشوف هذا الشي دايم يعايرني اخرتها اليوم كان مسافر مشوار وراجع وكنت قلقانه عليه قلت بسافر معاك اسليك واتسلى بعد رفض مرررره بس انا ماتكلمت احسه صار يكرهني وقلت يابنت عديها ورجع وانا مجهزه عشاه ولابسه ومتعطره ومبخره ومرتبه البيت واضاآت في البيت مغيرتها عشان اكسر الروتين واضحك واسولف وبس جلسنا قال انتي مفيك انوثه ان شاالله اتزوج انثى وتشوفينها كيف قلت عادي مو مشكله حتى انا نفسي اشوف هذي الانثى اللي تعجبك وقمت وخليته ورحت عشان انسى السالفه بعدين رجعت اضحك ولاكنه شي صار قام يقول شوفي هذي الحرمه ويقلب في التلفزيون قلت عادي اصلا انا مااغار منهم وش فيهم يعني وقمت اسولف مع بناتي عشان انسى السالفه وارجع له بس مافي فايده نكد عليه عيشتي مطفشني ماعاد يبغي يخرجني من البيت انا مليت منه دايم كئيب دايم يسب وهو اصلا شخصيته مرحه بس معي صار يكرهني تغير علي بس يعايرني بكل شي انتي عجوزه انتي هبلا انتي ماتعرفين تشترين انتي ممله انتي وانتي وانتي والله اني احاول اساعده واعطيه واتقرب منه واجامله وانا تعبانه اصلا بس اقول انا اليوم تعبانه تقوم قيامته يعني مافي مراعاه وانا صابره واذا قلت عندي نوم يقول اصلا انتي دايم نايمه علما انه مريض بالوسواس وياخذ حبوب وانا صابره مدري وش الحل معاة انا مليت من هذي الحياه كل ماقلت اليوم بضحك واسولف وانسى كلامه مافي فايده لو بس يقول شوفي كرشك وصدرك وخشمك بس اطنشه وحياتي صارت ممله انصحوني عندي منه خمسه اطفال دعواتكم لي انا تعبانه كثييييييير😭

33 تعليق 8,783 مشاهدة

شاركي في النقاش

سجلي الدخول لإضافة تعليق.

التعليقات

33
  1. @altoooonh

    والله ماعندي حل ان شاء الله البنات يفدونك بس ما حبيت اطلع دوون دعوه لك الله يسخر لك زوجك يااااااااااااااااااااااااارب
  2. @alaaros_nor

    الله يعينك صراحة واضح ان تصرفات زوجك سببها الحبوب اللي يتعاطاها حاولي تقنعيه يروح طبيب نفسي وربي يسخره لك
  3. @the_tigress

    التوووونه
    والله ماعندي حل ان شاء الله البنات يفدونك بس ما حبيت اطلع دوون دعوه لك الله يسخر لك زوجك يااااااااااااااااااااااااارب
    من هنا ورايح طنشيه
    لا تحاولين ترضينه ابدا
    اظن عنده شعور فظيع بالنقص ويطلع على شكل تجريح وانتقاد لك

    وكل مازدتي تحاولين ترضينه كل ما يزيد بالسلوك هذا

    بس اذا حس ان مو فارق معك يمكن يخاف يخسرك

    والله أعلم

تابعي تجارب أخرى من هذا القسم.