على جراحي يعزفون وعلى حلم امومتي يتراقصون وطلبي لـ الطلاق بين يديه "دعواتكم"/ تم الرد

ماالومك هالفتره اكيد نفسيتك تعبانه وانشغال زوجك عنك جارح خاطرك

لكن دام زوجك رافض الطلاق واضح انه يحبك , واذا كنتي انتي كمان تحبيه .. ف خلاص شيلي فكرة الطلاق من بآلك واعتبري قعدتك عند اهلك تغيير جو

اذا رجع طلبك ارجعي له بشرط يعدل ولو ماعدل الحين صدقيني يكبر ولده ويجون غيره ويبدأ الازعاج والمسوؤليه ووقتها مابيلقى الراحه الا بقربك

انتي احسبيها ببآلك الحين لو تطلقتي وقعدتي ببيت اهلك ايش راح تكسبين ؟!

والله يكتب لك اللي فيه الخير ويهدي بآلكم ويرد لك زوجك مثل اول وافضل

اختي انا مع الاخوات لاتتركينه لها اذا فقط تغييره بعد الزواج ارتاحي في بيت اهلك شهر وسافري ودلعي نفسك واستخير ي قبل اتخاذ الاقرار وممكن تشترطي بيت بعيد عنها والعدل في المبيت واسئل الله العظيم ان يرزقك بالذريه الصالحه اكثري اختي من قرأت سورة الانبياء والصدقه

السلام عليكم 
تمنيت اني قريت مواضيعك السابقه بوقتها عشان ارد عليك الرد هذا 
انصحك ترجعين بشروطك وتعطينه فرصه اخيره
اكبر غلط انك رضيتي تسكنين جنبها واول شرط لك يكون سكن منفصل بعيد عنها لسببين 
اول شي لما سكنتي قريب لها صار مطمن عليك تحتك اهله وهو قريب لك فما راح يصير لك شي عشان كذا ما التزم بيومك وغلط تعطينه الاطمئنان هذا اذا سكنتي بعيد بيضطر يجي ليومك لأن ماعندك احد ويومها خلصي اشغالك او روحي لأهلك ونامي عندهم وكذا 
السبب الثاني شوفي كيف تعبت نفسيتك لما كنتي قريبه لهم وتشوفين حركاتهم وسوالفهم لو كنتي بعيده ارتحتي من هالموضوع 
اصرررري على السكن البعيد وهذا اهم شرط لك واشترطي العدل في كل شي وحاولي ماتقابلين زوجته كثير تجنبيها قد ماتقدرين 
النقطه الاخيره انصحك تكفلين يتيم وتربينه عندك لاتقولين اخاف اظلمه صدقيني بيعينك ربي على تربيته اذا اخلصتي نيتك قريب لي كفل يتيم سبحان الله من تشوفينه تحبينه وتحنين عليه روحي لدار الايتام وتفرجي عليهم وزوريهم وشوفي كيف شعورك وكم وحده كفلت يتيم ورزقها ربي بالحمل وعشان تنشغلين فيه مايصير زوجك محور حياتك 
وبالاخير استخيري واسأل الله ان يكتب لك الخيره في الامر 

ماشاء الله عجبتني شخصيتك وروحك الراقية
انصحك ترتاحي فبيت اهلك فترة منها تكون نفسك ارتاحت وتقدري تفكري ووتخذي قرارك بعيد عن اي ضغط وبصراحه ماانصحك بالطلاق
أسال الله العظيم ان يفرج همك ويريح قلبك ويرزقك بالذريه الصالحه

الله يعوضك يارب