السلام عليكن ورحمة الله وبركاته
الله يسلمكن ويحفظكن ربي
ويجزاكم خير على دعواتكم
الحمد لله بنتي أحسن ان شاء الله وبدت ترجع لعادتها
اليوم صار لنا اسبوعين من العمليه يارب لك الحمد
وبديت اعطيها حليب عصيرات واكل مهروس
راح احكيلكم بالتفصيل ...
قبل العمليه بشهر طلب الدكتور اننا نفطمها من القارورة وابدأ اعلمها شرب الحليب بالكاسة
لانه بعد العمليه ممنوع تمص لا بمصاصه القارورة ولا حتى المصاصه اللهايه
يوم العمليه كانت صايمة 8ساعات طبعا قومتها قبل ماتصوم وعطيتها وجبه عشان ماتبكي علي
والحمد لله قامت قبل العمليه بساعتين
العمليه استغرقت ساعتين ونص
قفلوا سقف الحلق لكن خلى الجزء الامامي اللي ورا اللثه مفتوح عشان ما تتضرر براعم الاسنان
وراح يقفلها مع عمليه ترقيع اللثة ان شاء الله
وركبوا لها انابيب بأذنها
وقال الدكتور ممكن اول يوم تقعد بالعناية المركزة ، لكن بنتي الحمد لله ما قعدت الا ساعات وجابوها عندي بالغرفه
لكن الممرضات متواجدات طول الوقت
وكل 6ساعات يعطونها مسكن بالمضاد
واول يوم كانت تحزن والوجه كله مورم تقوم تبكي شوي وتون وترجع تنام وكانوا يجون يشفطون الدم اللي ينزل من فمها طبعا مو كثير بس مع اللعاب
وبالليل لما شافها الدكتور قال ممكن تعطينها ماي بس ان رفضت لاتعطينها اصلا السوائل تكفيها من المغذي بس ممكن يكون حلقها ناشف
ثاني يوم بدت تشرب ماي كل شوي اعطيها ممكن ملعقه
والورام بدى يخف بس هي فاتحه فمها فاللعاب يسيل كثير عادي المهم مافي دم
ثالث يوم قال اعطيها عصير خفيف شفاف زي عصير التفاح والحمد لله بدت تشرب شوي
كنت اصب لها العصير بالكوب العادي
اليوم الرابع بدينا بالحليب شوي شوي
لكن بنتي من اليوم الثالث ترتفع حرارتها ويعطونها تحميله تنزل كم ساعه وترجع ترتفع
قرر الدكتور يعطيها مضاد لأن الحرارة ما استقرت
خامس يوم بدت تستقر حرارتها وصارت تشرب الحليب تمام بكاستها
كتب لنا خروج وبعد يومين ابدأ اعطيها الاكل مهروس كأنه عندي طفل بعمر 6شهور مثل السيريلاك
والحمد لله الحين بدت تشرب الحيب كعادتها واي اكل احاول اهرسه وازيده ماي عشان يصير زي الشوربه واثقل
رجعت نطقت نفس الحروف ولكن لاحظت انها صارت تتمتم اكثر وتدخل حروف جديدة زي الباء وكأنه دال
يارب لك الحمد
ولما تستحم لازم احط قطنه وبعده امسحه بفازلين عشان مايدخل الماء لاذنها
ولنا مراجعه له بعد شهر
ام ديومة
سألت الدكتور بعد ما فاقت بنتي
قال نحط انسجة ونحاول نقرب الفتحة ونخيطها صراحة مادخل بالتفاصيل وقال لاتحاولين تناظرين داخل فمها ولا تلمسينه ولا تحطين شي
لكن بالمراجعه راح أسأل واعرف كل شي ان شاء الله
بنت الشيوخ
حاولت ارسل لك لكن ماعندي صلاحية بارسال الرسايل
واتمنى اني افدتك بردي
اخواتي
الدانه وانين الورد
مشكورات على مشاركتكم تجربتكم وياريت ماتقطعون بزيارة هالموضوع تعطونا من خبرتكم
اختي نجمة
كم مرة زرت موضوعك صراحة يخليني اتفاءل كثير ماشاء الله عليك
طيب متى تنصحون نزور اخصائي النطق اأو التخاطب ..؟
الله يأجركم على صبركم ويسهل عمليات اولادكم ويشفيهم يارب
:)
تجمع امهات الاطفال المصابين بالشفة الارنبية وشق الحنك// قديم
متابعة النقاش، صفحة 25