على جراحي يعزفون وعلى حلم امومتي يتراقصون وطلبي لـ الطلاق بين يديه "دعواتكم"/ تم الرد

متابعة النقاش، صفحة 28

شاركي في النقاش

سجلي الدخول لإضافة تعليق.

التعليقات

172
  1. @khoaaatr_5

    الله يفرج همك ويعوضعك بالزوج الصالح والذريه عاجل غير أجلا يارب قصتك المتتتتتتتني حييييييل وربي
  2. @grgh_samth

    صاحبة الموضوع
    حبيباتي

    اولاً مشكورات على الردود والدعوات ربي يجزاكن خير

    والعذر لكل البنات اللي ارسلن على الخاص ومارديت عليهن " اعذرنن الرسائل كثيره وتعبت وانا اقراء فيهن وارد "


    اولاً حبيباتي الحمدلله الحمدلله على كل حال وعارفه ان كل شي كاتبه ربي خيره
    وانا الحمدلله أملي بالله كبير صحيح كل شخص تجيه فترة يأس بس الحمدلله قدرت اتغلب على الفتره اللي اصبت فيه باليأس


    ثانياً / انا قلتها بردي هنا أنا ماهمتني ضرتي ولا فكرت حتى فيها هي فرحانه بطلبي او لا هي بيفضى لها الجو او لا
    كل هالأشياء ماتهمني انا يهمني زوجي فقط لأن هو اللي عشت معه 14 سنه وهو اللي ظلمني بعدم عدله

    لو كان الشخص فعلاً حاط مخافة الله بين عيونه مستحيل شي بيلهيه ويطيره عن الذنب

    وأنا قلتها عتبي مو على ضرتي عتبي على زوجي

    وللمعلوميه هاذي مو اول مرا اترك بيتي واروح لـ بيت اهلي وأطلب الطلاق بعدم عدله وطلبت شروط ينفذها يومين ثلاث وبعده يسحب على الشروط
    علشان كذا قررت هالقرار النهائي
    انا لما نزلت الموضوع كنت آخذه قراري النهائي وعارفه قراري نزلته قلت اخبر كل أخت سألت عني وعن آخر ماتوصلت فيه مع زوجي

    عارفه الطلاق ابغض الحلال عند الله بس احياناً يكون هو الحل الوحيد أنا جربت كل الطرق بس مافاد معه شي اعطيته بدال الفرصه ثلاث ونفس الشي

    زوجته ماقد رحت لها الا زيارتي لها بعد ما ربي رزقها بولد فـ كانت هاذي اول زياره وآخر زياره انا لي شقه مستقله وهي شقه مستقله وكلنا فوق أهله سكني بعيد صعب حيل وبالعكس الحمدلله اني كنت ساكنه فوق حمولتي لأني كنت اقضي اغلب وقتي مع خواته وخالتي والا من زمان منفجره الحمدلله اني سكنت عندهم على الأقل تلقين احد يسأل عنك لو ماشافوك باليوم هم بالنسبه لي اهله مثل البلسم اللي يخفف علي نوعا ما نكران ولدهم لي ربي يجزاهم كل خير ويسعدهم


    وقريت هنا بعض الردود اللي اصبري عليه

    صعب تعيشين حياه مع انسان صرتي مجرد ذكرى بحياته
    اعيش كيف تتخيلن كيف اقضي ايامي حاولت فتره انشغل عنه بس عجزت زوجي جزء مني فصعب اعيش بحياه كذا مو مطلقه ولا متزوجه صعب حيل

    جربت اني ابين له انك ماهميتني وعايشه حياتي من دونك بعد ماجربت الطريقه الثانيه ونفس الشي ماتحرك فيه ساكن

    هو عاش حياته مع زوجته حتى قبل ولادتها وبعد ولادتها وانا مجرد ذكرى فقط لا أكثر ولا اقل فـ على ايش اصبر
    اصبر على الظلم والتعب والقهر
    اصبر على دموعي اللي كل لليله تنزل
    اصبر على ذكرياتي معه اللي تألمني أكثر وأكثر والا على صوت ضحكاتهم اللي وآصله آخر الدنيا

    مافيه شي اضحي علشانه واصبر إذا على العشره اجتهدت بكل مافيني اني ماابيعها وماارخص فيها بس على قولتهم يد وحده ماتصفق


    كل محاولاته الحين والله ما أثرت فيني لأني اعرفه بوافق وبرجع اكرر الشروط وبينفذ كم مره وبيسحب آخر شي وارجع اعيش بالألم مره ثانيه


    انا عارفه أخباره بتاصلني بعد الطلاق ومافيه امل ابتعد نهائياً عنه بس ارحم من أني اعيش بحياه مو كامله " بغض النظر عن الحمل لأن هالشي بيد الله "

    وبالنسبه لـ كفالة يتيم هاذي اشياء بين العبد وربه " ربي يجزاكن خير على النصيحه "



    مشكورات حبيباتي ربي يسعدكن
  3. @smmr_1

    الله يفرج همك اختي نصيحه لك عيشي مع زوجك ولا تفتحين للشيطان باب الطلاق مر والصبر طعمه احلا من العسل اشغلي نفسك بالصلاه بقراءه القران شغلي القران بالبيت صلي الوتر واكثري منها عدلي من نفسك شوي من صبغه ومكياج تغيري تغنجي البسي لبس ماعمرك لبستيه تدلعي. ياماحريم تزوجو رجالهم عليهم وهن عندهن عيال اتركوهن الرجال فرحان بولده وبعدين يتعود بس العشره زينه دوسي علي قلبك شوي وفكري بمصلحتك مو بعاطفتك خلي زوجك يحبك مو يتركك مادام يعزك دلعيه وانسي الحرمه الثانيه كنها مو موجوده اسحبي عليها وانتي بكيفك والله يوفقك يااارب

تابعي تجارب أخرى من هذا القسم.