وتستمر معاناتي مع الزعول //اكتفى من الردود

نفس الحاله الله يعينك ويعنني لنا الحين شهر مايكلم احد وبس من باب الشقه الا غرفة النوم الله المستعان ولا حول ولا قوة الابالله

ربي يعينك أختي ويفرج همك ...
خوفيه بأهلك -حتى لو ماكنتي بتقوليلهم ..بس عشان يخاف على مكانته و صورته قدامهم -
وانك هالمرة صبرتي وماعلمتي أهلك .. لأنك حريصة على صورته قدامهم ومكانته عندهم ومحبتهم له .. بس خلاص ماعدتي تتحملي وأي شي ثاني ماتضمني إنك بتقوليلهم عنه وعن طباعه وان املهم بيخيب فيك وبيتصدموا ان الرجال إللي سلموه بنتهم على سنة الله ورسوله عشان يحافظ عليها وشافوه أهل للمسؤولية .. على أقل شي يهملها ومايهتم فيها بالأيااام .. لاولدرجة يخليها تمرض وهو ولا سأل ولا اهتم .. وماحافظ عليها وسافر حتى بدون مايبلغها وانتي تاركة الباب مفتوح تحسبينه اتأخر وبيجي ! وخالف وصية الرسول صلى الله عليه وسلم ووصيته بالنساء حتى في مرض موته .. وانهم وبيتصدمو انك سويت كذا في بنتهم وبتتغير نظرتهم لك<< المهم حسسيه بشناعة فعلته وإنها بتأثر على نظرتهم وصورتهم له



وما انصحك تقوليله روح تزوج وكذا ..
بكذا كل اللي بيفكر فيه انك فعلا غلطانه وانه صابر عليك لدرجة انتي بنفسك تلتمسيله العذر يروح يتزوج مرة ثانية !

وفي الأول والأخير إستخيري على الشي اللي بتسويه وتقوليه .. لأن ربي سبحانه هو الأدرى بالأصلح لك
و يعلم الله قد ايش أهمني أمرك ..
أسأل ربي أن يعوضك على صبرك ويفرج همك ويهدي زوجك ويسعدكم دنيا وآخرة

اولا عليك بالدعاء

الجيء الى الله وادعيه وتضرعي له

ثانيا زوجك على ما عودتيه وانتي عودتيه عادة سيئه ولازم تتحملي النتيجه!!؟

لكن فيه حل وهو انك تغيرين هالعادة السيئه الى عادة حسنه

اذا زعل عليك وهجرك هو قاعد يهجر نفسه ويعاقبها (خاصة لو كان رجل طبيعي وعنده دين يمنعه عن الحرام)

اذا وجدتي انه زعل بدون سبب او انت مالك دخل او سبب تافه ما يزعل عليه الرجل الصاحي

الحل انك

طنشيه

وليس معنى هذا انك ما تكلمينه ولا تخدمينه ولا تتجملين له
بالعكس كوني طبيعيه جدا وسولفي عليه وغثيه بكثر الحكي عن كل شي عن الاولاد ومشاكلهم عن اخبار العالم
عن اخر واحد من العيله تزوج او جاله ولد وهكذا

اشعريه انك ماتدرين عن زعله ولا هو هامك بشي
وحتى لو ما رد عليك وسفهك لا تهتمين وواصلي حتى تصلي!
بالاستمرار على هذا الاسلوب بيحس بتفاهة تصرفاته وقلة عقله انه زعل على شي تافه ما دريتي عنه اصلا

اياك انك تعتذرين بالكلام او تتأسفين على شي مالك يد فيه خاصة اذا كنتي تعرفين انه بيواصل ولا هو مهتم بأسفك
لكن لو كان من النوع اللي يسامح ويرضى اذا تأسفتي كنت اقول لك اقهري شيطانك وتقربي من زوجك
لكن اذا كان ماينفع فيه الطيبه وكرم الاخلاق اقول هنا طنشي ولا تهتمي
ومع التكرار والمواصله بيفهم ويتعدل سلوكه ان شاء الله
بس يبي لك صبر ايوب لان عشرة طويلة وانتي على هالحالة بتتعبين لما تغيريها

الله يهديه ويصلحه ويرده لكم ردا جميلا

الله يعينك يا قلبي ً

اسال الله العظيم رب العرش الكريم ان يسخرلك زوجك ويجملك في عينه ويرده لك بالسلامه وان يصلح احوالكم
ياقلبي عليك كل شوي ادخل ع موضوعك اتطمن عليك الله يطمن قلبك