فيني مرض نفسي وانخطبت وش تنصحوني يابنات

ياحياتي
الله يكتب لك الشفاء العاجل والرزق الواسع الطيب
بس حبيت اكتب ان عجبتني طريقه تفكيرك
اذا انسحب هو الخسران

شوفي حبيبتي انا عندي رأي مختلف بحكم اني طبيبه
العيوب التي لازم يبلغ بها الخاطب على نوعين:
عيوب تمنع الاستمتاع والوطء(الجماع) كما لو كان الرجل عنيين أو مقطوع الخصيتين أو عيب في المنطقة التناسلية للمرأه
عيوب لا تمنع الاستمتاع لكن منفره مثل: الجنون والبرص والجذام
بالنسبة للمرض النفسي نوعين فيه أمراض ذهانيه وأمراض عصابيه
الأمراض الذهانيه أخطر وتعتبر منفره لان المريض فاقد للبصيره اسأل الله أن يشفي كل مريض
أما الأمراض العصابيه مثل الاكتئاب والرهاب الاجتماعي والعصبيه ونوبات الذعر فلا تعتبر منفره لأن المريض ليس فاقد للبصيره
وانتي ما شاء الله عندك بصيره لا تصغري نفسك عند احد بس هذا ما يمنع انك تسألي الخاطب لو عندهم في العائلة أمراض نفسيه عشان لو انتي مريضه وزوجك ممكن ينتقل للذرية
وأمك إنسانه عاقله وفاهمه ياليت أمي زيها
انا مريت بنفس ظروفك خطبني ولد خالتي وافقت عشان أمي وكان ما عندي حاجه بعد الملكة جلست أصيح وأبكي وتركت الجامعه وجاني اكتئاب من كثر ما ضربتني أمي وتهدد فيه لو طلبت الطلاق المهم وتسحبني للمستشفيات وتقول لولد أختها البنت تعبت ولا تسمع منها لو قالت أتركني ويقوم يصك على صدره انا اعالجها
المهم وكلها كم شهري ويرميني ويقول يالمجنونه روحي عيشي على الضمان بحكم اني يتيمه ويمشي بين الناس بنت فلان المجنونة عشان الناس ما تجئ تخطبني يقول لو أشوفك عند احد ثاني أموت
والحمد لله ربي عوضين خير تخرجت وتعينت طبيبه وكملت دراسه بعثه برى والكل سمع عني خير.. والناس من أهلي محترميني وتجي تتسلف مني

اولا الحمدلله على السلامه :) الله يتمم عليك شفائك ياقلبي واضح من اسلوبك انك عاقله وطيبه ومحترمه وماترضين بالخطأ وتبين تبنين حياتك على الصدق والوضوح .. والمرض النفسي مو عيب ولا جنون بل هو ابتلاء من الله والله له حكمه في كل شي سبحانه ..

ثانيا : لازم الرجال يعرف وانت قولي لامك هل ترضى انها تخطب لولدها وتكون البنت مريضه سواء نفسيا او جسديا او فيها اي شي ومحد علمهم ؟؟؟
النبي صلى الله عليه وسلم طلق امرأه لانه وجد فيها بقعه بيضاء مااخبروه بها اهل المرأه واعتبره صلى الله عليه وسلم من الغش
اذا كان مرضك نفسي وراثي راح ينتقل لاولادك والعياذ بالله .. وممكن زوجك يكتشف بعد الزواج وترى من حقه يطلق فهل تجلسين ببيت اهلك معززه مكرمه والا ترجعين مطلقه والناس تألف عليك سوالف ؟؟؟؟؟؟
لالالالالالالالالالالازم يعرف بالمرض وانك تشافيتي منه وانه انت مستمره على علاج معين وهكذا ممكن يكون يهمه انه يناسب عائله محترمه ويتقبل المرض ادعي الله تعالى والله محد يقدر يسوي لك شي غير الله تعالى والله يوفقك ويشفيك ويشفي مرضى المسلمين يارب
والله يا اختي اني نصحتك من كل قلب صادق فتقبلي مني النصيحه و لا تزعلين مني ..
لان قد صارت حكايه مشابهه وحسبنا الله ونعم الوكيل

بضيف كمان اعتبري مرضك زي لو عندك سكر أو نقصان الغده الدرقية خذي علاجك عادي زي مريضة السكر تأخذ حبوب وانسولين على طول وكمان اللي عنها الغده لازم تأخذ الثايروكسين على طول وبالعكس الغده ممكن تأخر الحمل ام المرض النفسي فلا يوجد دراسات تؤكد انه يؤخر الحمل بس الادويه بعضها تتوقف في فترة الحمل

حبيبتي لا تسمعي اللي تقول علمي ولا تغشي
يعني لو جاء احد أقوله ترى سويت المراره والزائده وعندي نقص بالكالسيوم والحديد
ايش البلاهة هاذي
ياعالم أفهموا ارتقوا في العلم المرض النفسي زي المرض العضوي مثلا مريض الاكتئاب عنده نقص في مادة السيرتونين فيحس بضيق وكابه ومو شرط دينه قليل فلو استمر أسبوعين متواصلين نسميه اكتئاب يأخذ دواء يزود السيرتونين فيتحسن المزاج
زي الأنيميا المريض يحس دوخه تعب عام خفقان نعطيه حديد يتحسن