طلقني خطيبي و خطبني صاحبه محتاجة رايكم/ استوفى

لو أنا راح ارفض وبشدة
بس أنتي استخيري

حطيت نفسي مكانك .. ماراح اوافق وافتح على نفسي باب للشكوك والضغوط النفسيه .. الحياه الزوجيه استقرار وثقه متبادله بين الطرفين ورااااااااحه بال وماراح اصدع راسي بيمكن طيب ويمكن لا يمكن متفق مع اصحابه ويمكن لا وميه سؤال ينطبق عليه ... استخيري وربي ينور بصيرتك ..

الافضل ما توافقي لانو خطيبك واضح كب عشاكم كلو و شكل اصحابو طمعوا فيك من كلامو
يعني صاحبو لما فتن بينك و بينو ما اعتقد انو بسبب كلامك لان كلمتك عاديه و اي شخص طبيعي
ما يقبل انو اللي يحبو يجالس ناس مو كويسة
و صاحبو الثاني لما جا خطبك ما خطبك الا من كلام خطيبك فيك عندو
ذكرتيني بوحدة كانت مريحة زوجها في العلاقة الخاصة و زوجها منجن عليها و كان مجموعة من اصحابو يشتكوا من زوجاتهم انهم باردات و للاسف بعض الرجال مثل الحريم يفضفضوا احيانا باشياء مالها داعي قدام بعض
فهذا الزوج كان يمدح في زوجتو عند مجموعة من اصحابو و هما مع الوقت خلاص اعجبوا بزوجتو
فايش كانوا يعملوا استغلوا فرصة زوجها لما يروح يشتغل في مدينة ثانية و صاروا يشككوه في زوجتو
و يقولوا لو يا فلان انت تروح تشتغل من هنا و ما تدري عن زوجتك ايش تسوي من وراك
في البداية ما كان يصدقهم و مع الوقت و وسوسة الشيطان صار يصدقهم و يشك في زوجتو
الين ما صارت بينهم مشاكل كبيرة
فصراحة انا احس مشاكلك هذي كلهات بسبب خطيبك و المفروض الواحد مهما كان مرتاح مع شريك حياتو
ما يبين للناس لانو اليوم يكونوا اصدقاءك و بكرة يصيروا الد اعداءك
نصيحة مني لا توافقي عليه لانو واضح انو مو بس هوا اللي معجب فيك و طمعان حتى باقي الشلة
يعني ما راح ترتاحي و راح يبقى الشك في قلبو اتجاهك سواء من خطيبك او باقي اصحابو و ما تضمني اصحابو من وراه ايش راح يعملوا فيك
خصوصا الاول اللي فتن بينك و بين خطيبك السابق لانو تصرفو ما يريح واضح انو يبغاك باي طريقة و مستعد يسوي اي شي عشان يوصلك
الله يحميك منهم و يرد كيدهم في نحورهم