وتستمر معاناتي مع الزعول //اكتفى من الردود

الله يفرج همك ويصلح مابينكم يارب ..

اختي قوي قلبك

زين ما سويتي انا اقرا موضوعك اللحين وكنت بكتب لك كلمي اهلك وقوليلهم اللي صار

الوضع صعب ومحد يلومك بس انتي صبرتي سنين على امل يتغير ومافي فايده خلاص اخر حل انك تدخلين اهلك بما ان اهله ماراح ينفعونك
اصبري على امل يتغير وتلقون حل هالمره لانك لو تنازلتي وسكتي بعد هالمره راح يعيدها

الله يعينك ويصبرك

اختي لا تهتمين بكلام الناس لانهم لو كنتي سعيده ما تسلمين من كلامهم وحسدهم ولو كنتي بمشاكل ماتسلمين من شماتتهم بالحالتين ماراح يسكتون وبعدين انتي اللحين خليك بمشكلتك طنشي الناس كلها انتي تبين حل لمشكلتك وشلك بالناس وكلامها اهتمي بنفسك ووبيتك وعيالك وزوجك كيف ترجعينه لك وتلقين حل معاه

توجهي لرب العالمين وانا واثقه بحكمة ابوك وصدقيني ابوك يحبك وتصرفه جدا حكيم وهو يبي يأدب زوجك لو كان يبي يخرب بيتك او يسويلك مشاكل كان دخل على زوجك وشرشحه وكبر الموضوع بدل ما يحله بس هو الله يخليه لك تعامل بحكمه وصمت وهو يبيها قرصه لاذن زوجك مو اكثر عشان ما يعيدها

خليك في بيتك مركبك الغلط لانك ماتزعلين وتثبتين ع موقفك انتبهي لاتخرجين من بيتك خليك ع مبدأ واحد تراهم مالهم امان ويمكن لو خرجتي يتمادى اكثر بحجة ان المشاعر بينكم فاتره ويمكن تتطور ولاسمح الله يسوي شي ثاني انا مع مبدأ الثبات في الزعل لحد مايراضيك ولاترضين بسرعه خليه يحس انه هو غلطان ولاتناقشينه التزمي الصمت لان لو ناقشتيه بيطلعك غلطانه ترا الزعل بصمت هيبه يخليه يحس بس اثبتي يبنت لاتصيرين مخفه كلمتين ورجعتي الثبات الثبات على الزعل ولاترضين الا لماتحسين انه حس بغلطه 

جزاكن الله خير أخواتي والله انه تفاعلكن معي هون علي ضيقي وكربي
آنسه حالمه مشكوووره الغاليه على اهتمامك وتسجيلك من اجل تردي على مشكلتي وتتفاعلي تفاعلك الرائع اللي هون علي كثير وأسأل الله لكن اخواتي السعاده في الدارين الدنيا والآخره
تصدقون ما اتصل بأبوي ولا شي ولا بدرت منه اي بادره ، خايفه عناده ينهي حياتنا ويشتت اولادنا
دعواتكم
استغفر الله الذي لا اله الا هو الحي القيوم وأتوب اليه