طمنينا عليك كل ما يرتفع الموضوع افتحه اقول ان شالله كتبت شي يفرح مدري ليه متعاطفه حيل معك وودي تنحل الامور بوديه ماودي يصير لك شي يعلم الله ما اعرفك لكن احس اني شلت همك ربي يفرجها لك من اوسع ابوابه وللمسلمين اجمعين..
بالبدايه ياقلبي انا ماقريت موضوعك الاول لكن عندي ملاحظه على عنوان موضوعك الزعول والي بيمرضك هذا زوجك ومهما صار بينكم لازم تكتبين شي افضل من كذا .. زوجي حساس .. زوجي يزعل بسرعه
عموما انا بقولك على الحل الي عندي وهو لازم بعد مايرجع تسوين له حفله بسيطه وعشا بسيط وتبينين له اشتياقك . بتقولين مايفيد ويكبر راسه .. بقولك تحملي لهدف تبينه وبعد ماتخلصي كلميه بعقل وقولي يبو فلان حنا مو صغار وغيرنا عايش وخلنا نحل مع بعض مشاكلنا التافهه قولي وش الي مايعجبك فيني وباسلوبي وتصرفي واسمعي منه بعدها قولي انت غالي وماسويت كذا الا لغلاتك بس مرات تفهمني غلط وشوي حساس وودنا نكون افضل ونضحك الخ صدقيني بعض الرجال مهما كان عمره كبير بيقى عقله فيه صغر ويحب الي يداريه ويعامله كطفل بس انتبهي تسالينه عن سفرته ولا شايله عليه .. انسي انه مسافر الشي الثاني خفي عليه ولا تكثري رسايل اذا كان بعيد او اتصال وصدقيني الرجال اذا شافو حريمهم فيهم شوية ثقل بيتعدلون وانا اقولك من باب تجربه ولاني اسمع مشاكل كثيره ونفع معاها مثل هالحلول
آنسه حالمه الغاليه جزاك الله خير على تعاطفك معي ودعائك الطيب الخالص عسى ربي يسخر لك كل الخير وجدان محروق حبيبتي الله يجعل جزاك الجنه على دعائك لي في قيام الليل الله يتقبل منك يا رب ويرزقك الجنه بدون حساب ولا سابقة عذاب وبالنسبه لأختي A2012A فالعنوان اللي اخترته يوضح بالضبط شعوري لانه موه بس حساس ولا يزعل أنا تعمدت أستخدم صيغة المبالغه اللي هي زعول لانه فعلا كذا بس علشان اوصل لكم مشكلتي بشكل كامل ما افتريت عليه مره خاصمني 20 يوم لاني صبغت شعري لون ما احبه ونفس الشي راح وجلس عند امه 6 ايام وترك بيته واولاده والمسافه بيننا وبين اهله اقل من ساعه وهكذا على ابسط المشاكل اللي ممكن تحصل بين اي زوجين وممكن تمر مرور الكرام هو يقابلها بخصام طويل وسكوت لا محدود الى ان أجي انا بعدما أتملل من طول المده واعتذر على شي ما يسوى ردة الفعل اللي سواها اللي يسوي كذا برأيك ممكن توصفه كلمة حساس او احيانا يزعل؟!!!!! الله يهديه لي يا رب والله انه كله مميزات بس هذي الصفه مخلتني ما قادره استمتع بباقي الصفات الحلوه فيه لان اغلب وقتنا زعل
الله يهديه ياقلبي لكن انتي مافهمتي مقصد كلامي يعني انا لو بيني وبينه الف مشكله ومطلع الشيب براسي بحاول اختار شي افضل عموما انتي سوي الي قلت لك عليه وصدقيني بتدعين لي واذا حابه اشوف حلول ثانيه بلغيني لان لي خبره بالعلاقات الزوجيه ومشاكلها ومسويه دراسات كثيره والحمدلله قدرت احل مشاكل الله يصلحه يارب