السلام عليكم
قبل كل شي لحد يلومني تكفوووون
كلنا حريم نحب نظهر باحسن صوره
وانا ولله الحمد علاقتي مع زوجي فيها حب وتفاهم
لحد ماحضرت المناسبه المشؤؤؤؤمه
مدري ايش جاني حبيت استعرض
وجلست اقول زوجي ابوفلان مافي منه
واني ماعمري لبست شي الا قال يجنن مهما كان
وتكلموا الحريم عن التعاون بين الزوجين
قلت لهم مافيها شي انا زوجي يطبخ اذا انا تعبانه
واحيانا يغسل المواعين ويقول روحي ارتاحي
والحريم عيونهم طاااالعه
وانا رازه عنقي وافاخر بزوجي
طبعا الكلام اللي قلته كله صح
بس محد قال ماشاء الله تبارك الله
رجعنا البيت والا فجأه زوجي متعكنن
يهاوش ليه نسيت لمبه الصاله مفتوحه
مع اني دايم انساها عادي يعني
نمنا وباليوم الثاني جاني معصب على شغله ثانيه
وجلس يهاوش وانا ركبني ابليس ورديت عليه
طالت السالفه وصار فيها سب وضرب تخيلواا!!
وانا الحين ببيت اهلي لي كم يوم وهو ما سأل عني
واهلي عرفوا وقالوا دامه مد يدك مالك جلسه معه
بنااااات هذا مو زوجي
بالعاده حتى اذا غاط ماتكبر الامور لهالشكل
مدري وش قلب حالنا فجاه
كانها عين علموني وش اسوي
تكفووووووووون
الموضوع مغلق