<<....حتى لا ننسى فلسطين .....>>

عادت لكم ام فارس بس بقلب موجوع وقلم يرتجف وفكر مشوش .........

بس انشاء الله اكمن يوم وارجعلكن بنشاط كالعاده .........

اهلين فيك يا dood معانا

أخبار القطاع كملت علي اليوم ....... والله قلبي معاهن لأهلنا .....

اليوم ابو فارس وفارس " سنتين و3 شهور " طلعوا على مظاهره في منهاتن- نييويورك وقلبي غليان عليهن لحد هلأ ما رجعوا والدنيا عم ترعد وتبرق ........ قلبي غليان ...... وما كان فيني روح معهن لأنه فادي كان نايم ..... الله يرجعهن بالسلامه

ان شاء الله يرجعولك بالسلامه يا ام فارس وولا يهمك شو ما صار احنا معك على طول
مرحبا بطولكرم وذكرى قلب والجميع و الله يعطيكم العافيى
بالنسبى للأخت دود:
والله قصتك غريبه
العربي تبعك منيح بالرغم انك عايشه بفرنسا فترة طويله!
سلامي للكل

مرحبا
انا مش مغتربة بس فلسطينية ...وفي كل الاحوال ما دمنا لاجئين فأحنا في غربة
انا من المجدل عسقلان...مدينة شمال غزة بيسموها اليهود قاتلهم الله اشكيلون ...طبعا لاجئين من سنة1948 .لما صارت النكسة اول الامر بما ان المجدل مدينة كبيرة ما تركوها اجدادنا بل صار اهالي القرى اللي حواليها يحتموا فيها ...بعد فترة لما زاد الضرب عليهم كانوا يرحلوا للبيارات وبين كل فترة وفترة يرجعوا ياخدوا مؤن من بيوتهم .
يعني تصوروا كانوا سليبين الفراخ والطيور في البيت وهم في البيارات ؟؟
ومع اشتداد الحرب رحلوا على اساس يرجعوا بعد يومين لما تخلص الحرب ..وللآن لم ينتهوا اليومين ..

تخيلوا يا جماعة احنا في غزة عايشين 6 ساعات كهربا وست ساعات بلا كهربا علشان يقدروا يوزعوا كمية الكهرباء القليلة على القطاع كله؟؟؟............ بس الحمد لله تأقلمنا ... يعني رجعنا لأيام زمان

ام فراس تسلمي حبيبتي كلك زوق
نوجا حبيبتي مني ايله انوا تيتا بتحكي عربي وامها سوريه الاصل وانا كمان عشت فتره طفولتي بالادس يعني اتعلمة العربيه مزبوط بمدارسها اما الفرنسيه لما رجعة لبيت جدي بلدون وبئيت مصممه اتكلم عربي انا وتيتا
على فكره في اكتير هون فرنسات بيتكلموا عربي مع انوا مافي حدن من القرابه عربي الاصل تصوري بيروحوا يدرسوا لغه عربيه وبيتكلموا بلغة القران اللغة الفساء يعني بحطواكي على جنهم وبيمشوا ومش فارئه معهم ههههه والله اجانب فزيعين
واهلا بهبه والله البنا معكم دايما احكيلنا همومكم شو بسير بالداخل هلا انا مسويه مشروع تضامني بما اني مديرة قسم فباخد من المتبرعين المبالغ وبعطيها اخر الاسبوع للهلال الاحمرالدولي او للمنظمات الانسانيه بتحسوا في شيء بيصلكم اليلي ماعرفتينا بيكي جامعيه متزوجه شو احوالك
على فكره في بنات اكتير هون من غزه خلي نوجا والبنات يعرفوكي بيهم