انتبهي للفاتوره والاسعار والباقي تجربتي واكتبوا تجاربكم

فالمﻻبس خﻻص وﻻتسيري مرتين انضحك علي ومتعمدين استغفر الله اما ذحي حمدلله خﻻص باذن الله ماحد يضحك علي وسارتلي مره فاتش اند ام مكتوب خذ قطعتين والثالثه مجانا وكنت مشتريها اغراض معها 

جيت عند المحاسبه وقالي المبلغ كذا قلتله ﻻ ارجع عيده وعاده طلع حاسب علي اللي مفروض مجانيه 

طريقتي كل ماخذت قطعها ااحسبها لو تقريبا مثﻻ قطعه ب79اخليها 80ومثﻻ اخذت قطعه ثانيه ب49احسب 50 وازود وهكذا لاني صراحه مررره انقهر لما اعرف ان احد يستغفلني والله اموت قههر

اخوي اشتغل كاشير بمحل تموينات كبير لفتره معينه يقول لي انتبهي كثير نغلط
يقول اول ماشتغلت ما اعرف للجهاز زين واخربط بالكميه واطول على الزباين بس عشان اتاكد
ويقول مره واحد غلط بالصرافه سحب اكثر من المبلغ المطلوب

معاك حق لابد الوحده تنتبه وتحسبها صح قبل تدفع

انا مره دخلت محل كماليات وخذيت حاجات بسيطه

وحاسب زوجي ميتين وزياده واستغربت لان كل اللي خديته بلاستيكات وكماليات للمطبخ

ولما ركبنا السياره وخذيت الفاتوره طلع حاسب لي 14 حبه من سلة للخبز وانا مو مآخذه الا حبه

ورجعنا لهم وحسبوا الموجود بالمحل والمخزن وطلع فعلا الغلط من الكاشير

وبنده عليهم نصب مو طبيعي بنفس السستم مو خطاء الموظف

يعني كرتون الدجاج ابو 800 يحسبوه 1000 والعروض عند المحاسبه تنحسب بالسعر العادي

انا مشكلتي مع زوجي ماينتبه واحيانا ينسى الباقي ويمشي ومايدقق بفرق الاسعار

يوه اللي الحساب مااعرف احسب ولا عمري حسبت تجيني لخمه اخذ واحط بالمحفظة هم وضميرهم ولا من زوده بعض الاحيان. يقولي مثلا 36 ويكون معي فكه أقوم أعطيه 100 مدري وش يجيني وقت الحساب ودائم تصير ،،،
بس اذكر قبل أسبوع تقريبا طالعين نتمشى ووقف زوجي يعبي بنزين طلع الحساب اعتقد 15 ريال وزوجي أعطه 100 لما حاسب زوجي جلس يعدهم قدامه قال ماعليش مدير باقي عشره ،،أعوذ بالله السرقة عيني عينك ،،قلت لزوجي لو سكت على انه غلط ابرك له بدل مافظح عمره الله يهديه

ههههههههه دائما تصير مثل ما قلتو بقصد وبدون قصد

انا كل مره لمن نحاسب اوقف و انتبه

الا اخر مره كنت زعلانه على زوجي وطلعت وهو حاسب

طبعا بالعثيم

ولمن رجعنا البيت اعطاني الفاتوره والاغراض ومشى
لقيتهم حاسبين اننا ماخذين 7 ريال خبز
واحنا اخذين واحد
بس يمكن من غير قصد لان المبلغ مو كبير