السلام عليكم
يا أخواتي: طفلي عمره 6سنوات مشكلته في التواصل اللفظي، (كأنه زعلان على الجمل العربية:))
تعبني كثير، يجمع بين العناد، وقلة التركيز، إذا حس الموضوع صعب عليه أو ما يبغى ينفذ: سكت، أو بدا يردد أناشيد أو كلام غير مفهوم أو غير مترابط.
أتابع معاه جلسات سلوكية مع أخصائية، وعرضته على دكتور نفسي، وأخصائيين كثير، (وعلى قرّاء كمان!!) كل واحد يعطيني تشخيص، ونصيحة..
اللي عندها رأي أو لها تجربة مع ولد أو أخ أوقريب، لا تبخل بها:(
ردوا علي الله يقر عيونكم في أولادكم وبناتكم، ويبلغكم واياهم الجنة.
شاركي في النقاش
سجلي الدخول لإضافة تعليق.
التعليقات
30- والله يا اختي الدكاتره شنو قالو لج ؟؟
انا عندي نفس الحاله وقالو احتمال توحد ومن يومها وانا منهاره وتعبانه علي ولدي
وحالتي حاله الله يعلم فيها
الله يشافيهم آمين - السلام عليكم ورحمة الله
اخواتي التوحد له اعراض ممكن تلاحظونها واهمها ضعف التواصل الاجتماعي مع الغير ..
انا عندي ولدي عمره خمس سنوات وكانت لغتة غير مفهومه .. وشقي ..ومايسمع الكلام وما يركز
دخلته مركز خاص والحمد لله تغيرر كثييييييييييير عن قبل .. اهم شي تعرفون سبب هذا التأخر وتجرون الفحوصات اللزمه وخصوصا فحص السمع وبعدها تقررون الحل
بعدين فيه اطفال تأخررالكلام عندهم طبيعي لانه يدخل فيه عامل الوراثه يعني يكون عندها بالعائله حاله مشابهه
:) - انا اتوقع بس صعوبات تعلم
وان شاء الله راح يتحسن غادة4 انا اتوقع بس صعوبات تعلم وان شاء الله راح يتحسن
AZIZ^GALBI:
الله يقر عينك في ولدك، ويشافيه وولدي يارب، عرضته على طبيب ونفس اللي قال الطبيب لك، وانهرت مثلك، والله يرزقنا الصبر عليهم، ويجعلهم يبرون فينا من صلاحهم.
ام غاليه وعاليه:
أشوف الناس كثرت فيهم الحالات هذي كثرة فظيعة، وعامل الوراثة ممكن خاصة أن له قريبين تقريباً حالتهم مثله:(. ويليت تقولين لنا عن المركز اللي دخلتي فيه طفلك وهل له فرع في الرياض -إن كنتم خارجها-
غادة4:
أدعي الله ليل نهار انه يزول مع الزمن، وأشكرك على تفاعلك..
والله يخلي لنا ما عطانا:)- الله يعنيج اختي ويصبرج
انا اخوي فيه التوحد وبحاول اني افيدج....بس اول شي التوحد له 7 اعراض اساسيه واذا توافرت اظن 3او 4 يصير طفل توحدي:
1- الطفل التوحدي يكون عنيف جدا ....بس مع العلاج هالشي يخف وبشكل ملحوظ
2- يلعب بالالعاب بطريقه غلط (كأن يقلب االسيارة ويلعب فيها وهي مقلوبه)
3-يكون عنده اتواصل بالعين ضعيف جدا او مش موجود تماما اذا احد كلمه
4-اذا يبغي اي شي يعتمد على غيره بان يسحبه ويأشر له (مستحيل يتكلم)
5- يحب العزلة واللعب لوحده بشكل فظييييييييييييع
والباقي اختي اسمحي لي بسأل عنهم
بس حبيت اطمنج اخوي الحين عمره 12 سنه وحنا كنا ناخذه للدكاترة والاخصائيين من يوم عمره 3 سنين والحمدلله الحين يتواصل معانا بالكلام وكل شي تقريبا طبيعي حتى المدرسات في مدرسته مستانسين منه اكثر من الطلاب العاديين
يعني ان شاء الله مع المتابعه الدائمه مع الاخصائيين والدكاترة راح يصير ولدج احسن بكثير وراح يقدر يعيش حياته الطبيعيه
بس اهم شي يكون فيه اهتمام وتعاون من كل اللي حواليه... الام والاب والاخوات والاخوان الخ يعني اذا لفظ كلمة غلط او عبر تعبير غلط لازم تفهمونه الصح (مثلا اذا قال ماما جيب لي ماي ... تصححين له وتفهمينه ان الرجال جيب ... والبنات جيبي .. مايصير تلبين له حاجته اذا قال اي كلمة غلط ...لانه ممكن يحسبها صح و يستخدمها مع الناس الثانيين)
اوكي ....
اتمنى اكون افدج بهالمعلومات البسيطه ... بس ضروري الحين تودينه حق اخصائيين نطق وسمع وتستخدمين معاه البرامج التعليميه من قصص وبرامج تلفزيونيه الخ
بس انتبهي لا تكون بلغه ثانيه غير العربي.. ولازم تسجلينه في معهد او نادي بالاضافه للمدرسة في ايام المدارس وبعد المعهد والنادي لاتكنسلينهم في الاجازات ... لانج ماتتصورين شكثر فايدتهم مع الاطفال التوحديين
والله يعينج ويصبرج
مواضيع مشابهة
تابعي تجارب أخرى من هذا القسم.