السلام عليكم
حبايبي انا عندي بنوته عمرها ماتجاوز السنه والنصف
ومضطره على الخادمه
المهم انا ركبت كاميرات عشان اشوف تعامل خادمتي مع بنتي
الا الان الحمدلله ماشفت الا شي واحد
وهو انها مررررره وسخه مو نظيفه مع بنتي مع اني حريصه على هالمواضيع معها
يعني لما تجلس تفطر بنتي بيض او جبن
ماتعطيها اياها بالملعقه او الخبز وتمسكه بنتي لا تمسك هالاكل بيدها
وماعندها مشكله مع اني نبهتها كم مرره على هالموضوع بس اهي ماتعرف انوبالبيت كاميرات
فاذا طلعت لدوام وفطرت بنتي تسوي الحركه ولاكاني قلت لها او نبهتها
الحين ابي اعرف كيف اتصرف معها
اواجهها بالمقاطع وارفع صوتي او ايش اسوي
والله انا محتاره اخاف تمر الايام واشوف شي منها وانصدم وانا مافيني اقدم مره ثانيه
ياليت تساعدوني فديتكم
شاركي في النقاش
سجلي الدخول لإضافة تعليق.
التعليقات
19- الموضوع عادي تغسل يدها قبل مااتكلها وبس يعني لوبتاكلها صامولي بتحط ملعقه لاتدقيقين واجد عليها مدامك تحطين بنتك عندها عامليها بالسياسهروالاكل باليد لاعيب ولاوسخ ولا حرام يااختي شي عادي تراه مايسوى انك تزعلين عليه
- هذي المشكله اهي ماتنظف يدها الا اذا تميت وراها
اتعب واقول وسخه لو ماقلتي لها شي ماتسويه
وش الحل هنا اخليها تطلع من الحمام وانتي بكرامه وتاكل بنتي بيدها - اذا علمتيها بوجود الكاميرات بتخربين على نفسك السريه والوضع اللي رتبتيه انتى اشتري لها قفازات استعمال مره فهميها بتأكل بنتك تلبس قفازات لثن تتعود او حل ثاني وقت دوامك تجلس على الرضعات لين تجين وتوكلينها بنفسك اما سالفه الصراخ والفوضى ذي ماتنفعك ولاتنفع بنتك الا بتقهرك ببنتك
- اعتقد والله اعلم التجسس محرم
قال تعالى ( ولا تجسسوا )
ما راح تحصلين من فعلتك إلا الحسرة والندم والحيرة
فالأفضل والأصح قولي لها أني مركبة بجوالي كاميرة مراقبة لأني احب أشوف تعاملك معاها
وأنا أبيك تنفذين كل توجيهاتي من ناحية النظافة وتعاملك مع بنتي
ولا الغي الكاميرا ووكيل أمرك لله
هو نعم المولى ونعم الوكيل @عبق الورود@ اذا علمتيها بوجود الكاميرات بتخربين على نفسك السريه والوضع اللي رتبتيه انتى اشتري لها قفازات استعمال مره فهميها بتأكل بنتك تلبس قفازات لثن تتعود او حل ثاني وقت دوامك تجلس على الرضعات لين تجين وتوكلينها بنفسك اما سالفه الصراخ والفوضى ذي مات…
اجلسي عند بنتك اريح لك
وخليك من وجع الراس كاميرات و مراقبة
مواضيع مشابهة
تابعي تجارب أخرى من هذا القسم.